რაჟდენ ხიტირი

დაბადების ადგილი: ქ. თბილისი.

დაამთავრა პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1968 წელს.

1962-1968წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენი"-ს №14 სამშენებლო ტრესტის №1 სამშენებლო სამმართველოში ბრიგადირად, მშენებელ ოსტატად, სამუშაოთა მწარმოებლად; 1969-1973წწ. იმევე სამშენებლო სამმართველოში უფროს სამუშაოთა მწარმოებლად (უბნის უფროსად); 1973-1978წწ. საქართველოს პროფესიულ-ტექნიკური განათლების სახელმწიფო კომიტეტის სისტემაში კაპიტალური მშენებლობის განყოფილების უფროსად; 1978-1981წწ. კაპიტალური მშენებლობის სამმართველოს უფროსად; 1981-1986წწ. საბჭოთა კავშირის რადიომრეწველობის სამინისტროს ქ. თბილისის ელექტრონული გამოთვლითი ტექნიკის მშენებარე ქარხნის დირექტორის მოადგილედ მშენებლობის დარგში; 1986-1988წწ. საქართველოს განათლების სამინისტროს კაპიტალური მშენებლობის სამმართველოს უფროსად, ხოლო სამინისტროს რეორგანიზაციის შემდეგ, 1988-1991წწ. იყო სამინისტროს კაპიტალური მშენებლობის განყოფილების უფროსი; 1991-1995წწ. საქართველოს განათლების და მეცნიერების სამინისტროს კაპიტალური მშენებლობის, სოციალური ბაზის განვითარებისა და საწარმოო-ტექნიკური განყოფილების უფროსად; 1996-2004წწ. იყო ამავე სამინისტროს მენეჯმენტის, მატერიალურ-ტექნიკური და სოციალური ბაზის განვითარების სამმართველოს უფროსის მოადგილე; 2005-2012წწ. მუშაობდა შპს "სეისმომედეგობის ცენტრის" ექსპერტ-კონსულტანტად; 1991-1992წწ. აქტიურად იყო ჩართული და ხელმძღვანელობდა საქართველოს მიწისძვრით დაზიანებულ რეგიონებში საგანმანათლებლო ობიექტების გამოკვლევებისა და აღდგენა-გამაგრების სამუშაოების შესრულებას; მრავალწლიანი შრომითი საქმიანობისა და დამსახურებისათვის დაჯილდოებულია საპატიო სიგელებით. 

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 324-325

• იაკობ გოგებაშვილის სახელობის მედალი
• ღირსების ორდენი
  მრავალწლიანი შრომითი საქმიანობისა და დამსახურებისათვის