გიო კანანელი

დაბადების ადგილი: სოფელი საქობო, სიღნაღის რაიონი.

თხზავდა ეპიტაფიებს (მიცვალებულთა საფლავეზე წასაწერ ლექსებს), შემდეგ 1905 წლის რევოლუციაზე დაწერა ლექსი, რომელიც გაზეთში გამოქვეყნდა. 1912 წლიდან  ადგილობრივ და ცენტრალურ გაზეთებში აქვეყნებდა ლექსებსა და მამხილებელ კორესპონდენციებს, იყო ასევე ჟურნალ-გაზეთების გამავრცელებელი. მიუხედავად ხელისუფლების მხრიდან სასტიკი დევნისა და შევიწროვებისა, იგი თავისი საქმიანობის ერთგული იყო. მისი ლექსები ქვეყნდებოდა გაზეთებში: "ხმა კახეთისა", "გლეხი", "სიმართლე", "ახალი სოფელი", "წითელარმიელი", "მოჯამაგირის ხმა", "კოლექტივიზაცია". აქტიურად მონაწილეობდა საზოგადოებრივ ცხოვრებაში, იყო ამიერკავკასიის ცენტრალური აღმასრულებელი კომიტეტის წევრი, 1922 წლიდან სასოფლო საბჭოს წევრი, 1923-1926 წლებში ადგილობრივი სამაზრო ბანკის თავმჯდომარე. კორესპონდენტი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.540; საქართველოს პარლამენტის ეროვნული ბიბლიოთეკა : ფსევდონიმების ლექსიკონი: nplg.gov.ge

• ლექსები (ავტორი). - თბილისი, სახელგამი, 1955. - 119გვ.
• ლექსები (ავტორი). - თბილისი, სახელგამი და სახელგამის სტამბა, 1939. - 40გვ.