რაულ ხუჭუა

დაბადების ადგილი: ქ. ზესტაფონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1965 წელს.

1965-1967წწ. მუშაობდა თბილისის საქალაქო საბჭოს აღმასკომის დაქვემდებარებაში არსებული სპეციალიზებული სამშენებლო სამმართველო "გაზმშენი"-ს მშენებელ ოსტატად; 1967-1969წწ. საქართველოს სასოფლო მშენებლობის სამინისტროს №2 სამშენებლო ტრესტის ლენტეხის სამშენებლო უბნის სამუშაოთა მწარმოებლად; 1969-1977წწ. იყო ამავე სამინისტროს №25  მოძრავ-მექანიზებული კოლონის უფროსი სამუშაოთა მწარმოებელი; 1977-1980წწ. მუშაობდა საქართველოს მშენებლობის სამინისტროს სპეციალიზებული სამშენებლო ტრესტ "სპეცმშენი"-ს №134 მოძრავ-მექანიზებული კოლონის მთავარ ინჟინრად; 1980-2006წწ. საქართველოს სასოფლო მშენებლობის სამინისტროს №2 სამშენებლო ტრესტის №25 მოძრავ-მექანიზებულ კოლონის უფროსად; 2006 წლიდან მუშაობს სამშენებლო კომპანია (შპს) "ბიზნეს კომფორტი"-ს უფროს სამუშაოთა მწარმოებლად კოპიტნარის საავიაციო ბიზის მშენებლობაზე; მისი უშუალო მონაწილეობითა და ხელმძღვანელობით საქართველოს რეგიონებში აშენებულ იქნა სამრეწველო, სასოფლო-სამეურნეო, კულტურულ-საგანმანათლებლო, საცხოვრებელი და ინფრასტრუქტურული დანიშნულების ობიექტები; მრავალწლიანი შრომითი საქმიანობისა და სამშენებლო სფეროს განვითარებაში შეტანილი წვლილისთვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 327-328

• საქართველოს დამსახურებული ინჟინერი
  მრავალწლიანი შრომითი საქმიანობისა და სამშენებლო სფეროს განვითარებაში შეტანილი წბლილისათვის