ედუარდ გერსამია

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი 1959 წელს.

1959-1962წწ. მუშაობდა თბილისის ჰიდრომეტალხელსაწყოების ქარხანაში; 1962 წლიდან  მცირე სიმძლავრის ელექტრონული მანქანების ტექნოლოგიის სამენიერო კვლევით ინსტიტუტშია (მეტსი), 1969 წელს დაინიშნა ამ ინსტიტუტის დირექტორის მოადგილედ სამეცნიეო ნაწილში, ხოლო 1976 წელს დირექტორის პირველ მოადგილედ; სსრკ ელექტრომექანიკური მრეწველობის სამინისტროს მიერ სხვადასხვა დროს დანიშნული იყო საკავშირო მნიშვნელობის პრობლემების მოგვარების მთავარ კონსტრუქტორად და მთავარ ტექნოლოგად. იყო საერთაშორისო ორგანიზაცია "ინტერელექტროსთან" არსებული მცირე სიმძლავრის ელექტრული მანქანების გაერთიანებული საკონსტრუქტორო ბიუროს მთავარი კონსტრუქტორის მოადგილე; 1978 წლიდან შეთავსებით ეწევა პედაგოგიურ მოღვაწეობას საქართველოს პოლიტექნიკურ ინსტიტუტში; 1999 წლიდან ხელმძღვანელობს ამავე უნივერსიტეტის ელექტრომექანიკის კათედრას. 1991 წელს დაამთავრა ბერლინის მენეჯმენტისა და მარკეტინგის შემსწავლელი კურსები. არის 150-დე სამეცნიერო ნაშრომის, მათ შორის 50-დე გამოგონების ავტორი. ტექნიკურ მეცნიერებათა კანდიდატი (1973), ტექნიკურ მეცნიერებათა დოქტორი (1989), პროფესორი (1989).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.70; ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ.172

• საქართველოს ენერგეტიკისა და საინჟინრო აკადემიები, ნამდვილი წევრი

• საქართველოს სპორტის დამსახურებული ოსტატი (ჭაფრაკში)
• საქართველოს დამსახურებული ტექნოლოგი
• საპატიო ნიშნის ორდენი