პავლე კალანდაძე

დაბადების ადგილი: სოფელი ხიდისთავი, ჩოხატაურის რაიონი.

1900-იანი წლებიდან მუშაობდა სოციალ-დემოკრატიულ ორგანიზაციაში, 1901 წლის 22 მარტს დააპატიმრა ჟანდარმერიამ საპირველმაისო დღესასწაულის აღნიშვნის ორგანიზებასთან დაკავშირებით. 1908 წელს პავლე კალანდაძემ ლადო დარჩიაშვილთან ერთად გამოსცა ყოველკვირეული ჟურნალი "ახალი კვალი", თანამშრომლობდა სხვადასხვა პერიოდულ გამოცემებთან: "მოგზაური", "ჩვენი კვალი", "შადევანი" და სხვ. 1909 წლიდან პირველი მსოფლიო ომის დაწყებამდე ცხოვრობდა საზღვარგარეთ. წერდა მოთხრობებს, მისი ერთ-ერთი მოთხრობა "წითელი საღამო" ითარგმნა ფრანგულად. პოლიტიკური საქმიანობის გამო რამდენჯერმე იყო დაპატიმრებული. რევოლუციონერი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.520