ზვიად ბოლქვაძე

დაბადების ადგილი: დაბა ხულო.

დამთავრა საქართველოს ფიზიკური კულტურის ინსტიტუტი; თბილისის ზოოტექნიკურ-სავეტერინარო სასწავლო-კვლევითი ინსტიტუტი ვეტერინარის სპეციალობით 1990 წელს.

1980 წელს, უმცროსი ასაკის სპორტსმენთა შორის, კლასიკურ ჭიდაობაში, საქართველოს მოსწავლეთა პირველობაზე დაიკავა პირველი ადგილი; 1982 წელს მიღებული აქვს საქართველოს ალკკ ხულოს რაიკომის ჯილდო, ფიზიკურ კულტურაში და სპორტში მიღწეული მაღალი შედეგებისთის; 1982 წელს, ქ. ბათუმში გამართულ მოსწავლეთა 34-ე საოლქო სპარტაკიადაზე კლასიკურ ჭიდაობაში დაიკავა პირველი ადგილი; 1982 წელს, რაიონულ საოლქო და რესპუბლიკურ პირველობებში, კლასიკურ ჭიდაობაში, მიღწეული წარმატებებისთვის დაჯილდოვდა ხულოს რაიონის განათლების განყოფილებისგან; 1983 წელს, ხულოს სპორტული სკოლის წარჩინებით დამთავრებისთვის და მაღალი სპორტული შედეგებისთვის დაჯილდოვდა ხულოს რაიონის ბავშთა და მოზარდთა სპორტული სკოლის მიერ; 1983 წელს, ხულოს რაიონულ 35-ე მოსწავლეთა სპარტაკიადაზე კლასიკურ ჭიდაობაში დაიკავა პირველი ადგილი; 1983 წელს, ქალაქ კიშინიოვში ჩატარებულ საკავშირო შეჯიბრზე დაიკავა პირველი ადგილი და შეყვანილ იქნა სსრ კავშირის სოფლის სპორტსმენთა ნაკრები გუნდის წევრად; 1983 წელს თბილისში ჩატარებულ ჩემპიონატში, უფროსი ასაკის მოჭიდავეთა შორის, დაიკავა მეორე ადგილი და შეასრულა სსრ კავშირის სპორტის ოსტატობის კანდიდატის ნორმატივები; საშუალო სკოლის დასრულების შემდეგ 1983-1985 წლებში მუშაობდა ხულოს რაიონის ბავშვთა სპორტულ სკოლაში, კლასიკური ჭიდაობის მეთოდისტ-მწვრთნელ-მასწავლებლად; 1990-1994 წლებში მუშაობდა ხულოს რაიონთაშორისო ვეტერინარულ ლაბორატორიაში ბაქტერიოლოგ-ლაბორანტად; 1994 წლიდან აღნიშნულ ლაბორატორიაში დაინიშნა ვეტ-ექიმად; 1990-1995 წლებში კვლავ დაუბრუნდა ხულოს რაიონის ბავშვთა სპორტულ სკოლას, სადაც იყო მწვრთნელი კლასიკურ ჭიდაობაში. 1993 წელს შეთავსებით, ხელშეკრულებით მუშაობდა ბათუმის საბაჟო განყოფილებაში; 1995-1998 წლებში ქალაქ ბათუმის ცხოველთა დაავადების წინააღმდეგ მებრძოლ სადგურში, ლაბორატორიაში ვეტ-ექიმად.

• 1983 - სსრკ სპორტის ოსტატი