გია კოსტავა

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებლი 1968 წელს.
ბათუმის საზღვაოსნო სასწავლებლის დამთავრებისთანავე ზღვაში შრომითი საქმიანობა საქართველოს საზღვაო სანაოსნოს გემებზე დაიწყო; ტანკერ - «БОРЖОМИ»-ზე გაიარა მან მეზღვაურობის ყველა საფეხური რიგითი მატროსობიდან კაპიტნის მეოთხე, მესამე, მეორე და უფროს თანაშემწეობამდე; ცურავდა ტანკერებზე - «ЗАХАРИЙ ПАЛИАШВИЛИ»-ზე, «КЕРЧЬ»-ზე,«АКТАШ»-ზე, «САМТРЕДИА»-ზე, «КАРЕЛИ»-ზე, «МАШТАГИ»-ზე, «БУЗОВНЫ»-ზე, «НАДЕЖДА КУРЧЕНКО»-ზე,«ТБИЛИСИ»-ზე და «НОДАР ДУМБАДЗЕ»-ზე; გარკვეული პერიოდი ხმელეთზეც მოუწია საქმიანობა, საქართველოს საზღვაო სანაოსნოს სატრანსპორტო ფლოტის უზრუნველყოფის სამსახურში გაატარა რამდენიმე წელი, მაგრამ ნაპირზე დიდხანს ვერ გაჩერდა და კვლავ ზღვას დაუბრუნდა; ტანკერების გარდა მშრალტვირთმზიდ გემებზეც მოუწია ნაოსნობა; 1995-1998წწ. იგი საქართველოს საზღვაო სანაოსნოს ბალკერების - «ЕВГЕНИЙ ВАХТАНГОВ»-ისა და «АКАКИ ЦЕРЕТЕЛИ»-ის ეკიპაჟებს მეთაურობდა; 2006-2010წწ. გამოცდილ კაპიტანს კომპანია - «QUEENSWAY SERVICES LTD»-ში მოუწია რიგითი და უმაღლესი შემადგენლობის მეზღვაურთა გადამზადება - მომზადების პროცესში მონაწილეობა და საკუთარი მდიდარი გამოცდილების გაზიარება. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com