თემურ ამყოლაძე

დაბადების ადგილი: სოფელი როდინოული, ზესტაფონის რაიონი.

დაამთავრა ქუთაისის სახელმწიფო პედაგოგიური ინსტიტუტი, ქართული ენისა და ლიტერატურის სპეციალობით 1978 წელს. 

პირველი ლექსი გამოაქვეყნა 1978 წელს; იბეჭდება ლიტერატურულ ჟურნალ-გაზეთებში. ავტორია რამდენიმე წიგნისა: "დავიწყებული ამბავი" (1990), "ყაჩაღი დვალიშვილები" (1996, გივი ტყეშელაშვილთან ერთად), "ოცი წლის წინათ" (ლექსები, 2007), "ზღვარი" (ესეებისა და კრიტიკული წერილების ერთტომეული, 2008), "დადეშქელიანების ამბავი" (2014), ასევე ქრონიკებისა – "მიტროპოლიტ ნაზარის უკანასკნელი დღეები", "მამია გურიელის გახსენება", "იზიუმსკები", "წმინდა გიორგის ეკლესიის მცირე ნეკროპოლი" და სხვა; 1981 წლიდან მუშაობს ჟურნალ "განთიადის" რედაქციაში, არის რედაქტორის მოადგილე, ქუთაისში გამოსული არაერთი ლიტერატურული გაზეთისა და მრავალი წიგნის რედაქტორი, იკვლევს ქართული ლიტერატურის ისტორიის საკითხებს; მისი ნაწარმოებები თარგმნილია რუსულ, სომხურ და აზერბაიჯანულ ენებზე. ცხოვრობს ქუთაისში. არის ჟურნალ "განთიადის" მთავარი რედაქტორის მოადგილე.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.19; არმური: armuri.georgianforum.com

• დავით კლდიაშვილის სახელობის პრემია
• ნიკო ნიკოლაძის სახელობის პრემია (ლიტერატურის დარგში)

• დავიწყებული ამბავი : რომანი (ავტორი). - ქუთაისი, 2014. - 147გვ.
• ზღვარი : ესეები : ერთტომეული (ავტორი). - ქუთაისი, მოწამეთა, 2008. - 420გვ.. - ISBN: 9789992853573
• ოცი წლის წინათ : ლექსები (ავტორი). - ქუთაისი, მოწამეთა, 2007. - 72გვ.. - ISBN: 9789992853511
• ყაჩაღი დვალიშვილები : რომანი-ქრონიკა (ავტორი). - ქუთაისი, მოწამეთა, 1995. - 388გვ.
• დავიწყებული ამბავი : ლექსები (ავტორი). - ქუთაისი, სარანგი, 1992. - 176გვ.
• დავიწყებული ამბავი : რომანი (ავტორი). - თბილისი, საქართველი, 1990. - 129გვ.