აკაკი მარგიანი

დაბადების ადგილი: სოფელი მულახი, მესტიის რაიონი.

დაამთავრა ქუთაისის სასულიერო სასწავლებელი 1906 წელს.

1907 წელს შევიდა თბილისის სასულიერო სემინარიაში, საიდანაც მალე გარიცხეს არალეგალურ წრეებში მონაწილეობისათვის. მსახურობდა თბილისის სიძველეთა დაცვის კომიტეტში, იმავე დროს იყო ზემო სვანეთის მხარეთმცოდნეობის მუზეუმის მეცნიერ-მუშაკი. ლექსებს ბეჭდავდა "კოლხიდაში", "განათლებაში", "თემში", "სახალხო გაზეთში" და სხვ. აქვეყნებდა ფსევდონიმებით - ა. სვანი, ა. სვანელი; თარგმნიდა რუს პოეტთა ნაწარმოებებს; წერდა ისტორიულ-ეთნოგრაფიულ წერილებს; აკაკი მარგიანს "ზვიად სვანს" უწოდებდნენ. აღსანიშნავია მისი ლექსები: "კვლავ წყვდიადი", "არწივის სიმღერა", "ტაძარი", "თამარი" და სხვ. გამოუქვეყნებელი დარჩა ეთნოგრაფიული ნარკვევები სვანეთის ცხოვრებიდან, მოგონებები აკაკი წერეთლის, ვაჟა-ფშაველას და იროდიონ ევდოშვილის შესახებ. პოეტ რევაზ მარგიანის მამა. 

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.30; ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.32; შექმენი საკუთარი ისტორია: mematiane.ge