
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

თეიმურაზ გოჩიტაშვილი

Date of birth:	30 September, 1946 (79 years)
Category:	Engineer, Scientist

Biography

დაბადების ადგილ: სოფელი ბოდბე, სიღნაღის რაიონი.

დაამთავრა საქართველოს პოლიტექნიკური ინსტიტუტი სამთო ინჟინერ-ელექტრომექნიკოსის სპეციალობით 1969 წელს; ოქსფორდის ნავთობისა და ენერგეტიკული კვლევების კოლეჯი 1997 წელს.

1969 წელს მუშაობა დაიწყო საქართველოს მეცნიერებათა აკადემიის გ. წულუკიძის სახელობის სამთო მექანიკის ინსტიტუტში, მეცნიერ-თანამშრომლად; 1979-2006 წლებში კითხულობდა ლექციებს საქართველოს პოლიტექნიკური ინსტიტუტში (შემდგომში საქართველოს ტექნიკური უნივერსიტეტი); 1996-2000წწ. საქართველოს პარლამენტის დარგობრივი ეკონომიკური კომიტეტი, წამყვანი სპეციალისტი; 2000-2006წწ. ენერგოეფექტუროიბის ცენტრი "საქართველო", სამეცნიერო კოორდინატორი; 2001-2002წწ. სს "თბილგაზი", სამეთვალყურეო საბჭოს თავმჯდომარე; 2003-20066წწ. შპს "ჯეოინჟინირინგი", დირექტორი ტექნოლოგიებისა და განვითარების დარგში; 2001 წლიდან მუშაობს საქართველოს გაზის საერთაშორისო კორპორაციაში: 2001-2006წწ. ექსპერტ-კონსულტანტი, 2007-2013წწ. დირექტორი ტექნიკურ საკითხებში, მრჩეველი, დირექტორი კომერციულ საკითხებში, 2013 წლიდან სტრატეგიული განვითარებისა და პროექტების დეპარტამენტის უფროსი, სამეთვალყურეო საბჭოს თავმჯდომარე. თ. გოჩიტაშვილი მონაწილეობდა TACS - ისა და OPET-ის, აშშ USAID-ის, UNDP-ის, მსოფლიო ბანკის და სხვა საერთაშორისო პროგრამების ფარგლებში მიმდინარე ენერგეტიკულ პროექტებში. იყო ევროგაერთიანების თანამედროვე ენერგეტიკული ტექნოლოგიების პროგრამების კოორდინატორი სამხრეთ კავკასიის ქვეყნებში. ხელმძღვანელობდა მილსადენის ტრანსპორტირებასა და სედიმენტაციის საერთაშორისო ორგანიზაციის სამეცნიერო საბჭოს. 2000 წელს მიწვეული იყო ჰიუსტონის (აშშ) უნივერსიტეტში, სადაც სატრანზიტო ნავთობ და გაზსადენების პოლიტიკის დარგში შესრულებული სამეცნიერო კვლევის შედეგები შემდგომში საფუძვლად დაედო NATO-ს დაფინანსებით ნიდერლანდებში ინგლისურ ენაზე გამოცემულ წიგნს "ბუნებრივი გაზის მიწოდების უსაფრთხოება სატრანზიტო ქვეყნების გავლით". USAID-ის ენერგეტიკული პროგრამების ფარგლებში მომზადდა ნაშრომი "ბუნებრივი გაზის სექტორის სტრატეგია საქართველოსთვის (ეკონომიკური და გეოპოლიტიკური საკითხები)". არის 40-ზე მეტი გამოგონების და მსოფლიოს სხვადასხვა ქვეყნაში გამოქვეყნებული 200-ზე მეტი სამეცნიერო სტატიის ავტორი. ტექნიკურ მეცნიერებათა დოქტორი (1988), პროფესორი (1989).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.89-90; საქართველო: ენციკლოპედია: ტ.2.- თბ., 2012.- გვ. 127

Member of Organizations

მინერალური რესურსების საერთაშორისო აკადემია, წევრი (1997-)
ნავთობის ეკონომიკის საერთაშორისო ასოციაცია, წევრი
საქართველოს ეროვნული საერთაშორისო აკადემია, ნამდვილი წევრი (1999-)
საქართველოს მეცნიერებათა აკადემიის სამთო მექანიკის ინსტიტუტის აკადემიური საბჭო, წევრი
საქართველოს ტექნიკური უნივერსიტეტის სერტიფიკაციის სამეცნიერო საბჭო, წევრი

Bibliography

საქართველოს ენერგეტიკა. გაზის სექტორის განვითარების პრიორიტეტები (Author). - თბილისი, მერიდიანი, 2012. - 70გვ.
ნახშირის მოპოვების აღდგენისა და ეფექტური გამოყენების პერსპექტივები საქართველოში (Author). - თბილისი, მეცნიერება, 1997. - 39გვ.
ნავთობის და გაზის მოპოვება, გადამუშავება და ტრანსპორტირება (Author). - თბილისი, 1921. - 288გვ.. - ISBN: 9789941838576