ზაქარია კანდელაკი

დაამთავრა საოსტატო სემინარია.

მუშაობდა აღმზრდელ-მასწავლებლად ქართულ გიმნაზიაში. ორი წლის შემდეგ, 1886 წელს დანიშნეს თბილისის სამოქალაქო სასწავლებელში ინსპექტორის თანაშემწედ (უფროს მასწავლებლად), 1888 წლიდან კი თბილისის მებაღეობის სასწავლებელსა და ოთხკლასიან სახელოსნო სასწავლებლის ქართულ-რუსულ კლასებში აღმზრდელ-მასწავლებლად. ზაქარია კანდელაკი თარგმნიდა სხვადასხვა საგნის სახელმძღვანელოებს სასწავლო პროგრამების მიხედვით. მას დიდი წვლილი მიუძღვის თბილისის ქალთა პროფესიული სასწავლებლისა და ასევე ქართული წიგნების გამომცემელი საზოგადოების დაარსებაში. 1896 წელს ზაქარია კანდელაკი მივლინებით გაემგზავრა რუსეთში ქ. ნიჟნი ნოვგოროდის დიდ სამრეწველო გამოფენაზე, სადაც სამეურნეო განყოფილების თავმჯდომარემ, პროფესორმა ტერსკიმ და მისმა თანაშემწემ პროფესორმა ა. ი. კოვენკომ მას დაავალეს სახალხო სკოლების მასწავლებლების და სხვადასხვა დარგის სახელოსნო და სამეურნეო განყოფილებების ხელმძღვანელობა. 

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.541

• მიწის მზომელების ელემენტარული სახელმძღვანელო : დამხმარე წიგნი კოლმეურნეობის ახალგაზრდობის სკოლებისათვის (ავტორი). - ტფილისი, სახელგამი, 1932. - 48გვ.