ბადრი თევზაძე

დაბადების ადგილი: ქ. ბათუმი.

დაამთავრა ბათუმის შოთა რუსთაველის სახელობის სახელმწიფო პედაგოგიური ინსტიტუტი ქართული ენისა და ლიტერატურის სპეციალობით 1976 წელს.

ავტორია წიგნებისა: "უკვე ჩადგა ქარი" (ლექსები, 1981), "დღეები... დღეები..." (ლექსები, 1985), "პარიზში წასვლას რა  უნდა" (ავტობიოგრაფიული მხატვრული ჩანაწერები, 1998), "საუკუნის ფრანგული პოეზიის მცირე ანთოლოგია" (1998), "100 ფრანგული ლექსი" (2000), "ღიმთაცვენა" (ლექსები, 2004), "ფრანგული პოეზიის ათასწლეული" (2013), "პოლ ვერლენი და სხვა ფრანგი პოეტები" (2014), "რჩეული" (2015). სხვადასხვა დროს მუშაობდა: ქართული ენისა და ლიტერატურის მასწავლებლად; ბათუმის სახელმწიფო დრამატულ თეატრში უფროს მემონტაჟე-დეკორატორად; ბათუმის თოჯინების სახელმწიფო თეატრში; აჭარის ტელევიზიისა და რადიომაუწყებლობის დეპარტამენტში საავტორო გადაცემათა სამსახურის უფროსად; დღეისათვის ქალაქ ბათუმის N1 საჯარო სკოლის დასავლეთ ევროპული ლიტერატურის (არჩევით) მასწავლებელია.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.48

• 2015 - ივანე მაჩაბლის სახელობის პრემია
  მთარგმნელობითი საქმიანობისათვის
• 2000 - ლომისის პრემია
  წიგნისთვის ''პარიზში წასვლას რა უნდა''

• ღიმთაცვენა : პოეტური კრებული (ავტორი). - ბათუმი, აჭარა, 2004. - 131გვ.. - ISBN: 9994021052
• 100 ფრანგული ლექსი : კრებული (მთარგმნელი). - ბათუმი, აჭარა, 2000. - 192 გვ.. - ISBN: 9992844469
• XIX [საუკუნის] ფრანგული პოეზიის მცირე ანთოლოგია (მთარგმნელი). - ბათუმი , აჭარა, 1998. - 168გვ.
• პარიზში წასვლას რა უნდა?! : Tartarin géorgien à Paris (ავტორი). - პარიზი ; ბათუმი , გაზეთების "აჭარისა" და "ადჟარიას" გამ-ბა, 1998. - 160გვ.
• დღეები... დღეები... : ლექსები (ავტორი). - ბათუმი, საბჭ. აჭარა, 1985. - 59გვ.
• უკვე ჩადგა ქარი : ლექსები (ავტორი). - ბათუმი, საბჭ. აჭარა, 1981. - 29გვ.