დავით დაუშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი 1956 წელს; თბილსის სახელმწიფო უნივერსიტეტის ეკონომიკის ფაკულტეტი 1963 წელს; საქართველოს პოლიტექნიკური ინსტიტუტის ნავთობისა და გაზის საბადოების ძებნა-ძიების კათედრის ასპირანტურა 1963 წელს.

1956-1958წწ. გეოლოგიური სამმართველოს გეოფიზიკური ექსპედიციის ტექნიკოს-გეოფიზიკოსი; 1958-2005წწ. ტრესტ "საქნავთობის" საქართველოს სამრეწაო-გეოფიზიკური ექსპედიციის  (შემდგომში "შპს "საქსარეწგეოფიზიკა") ინჟინერ-გეოფიზიკოსი, მთავარი გეოლოგი; 1973-2005წწ. გენერალური დირექტორი; 1968-1971წწ. მუშაობდა ალჟირის სახალხო-დემოკრატიულ რესპუბლიკაში ექსპერტად ნავთობისა და გაზის საბადოების დაზვერვის სფეროში. წლების მანძილზე კითხულობდა ლექციებს სპეცდისციპლინებში თბილისის სახელმწიფო უნივერსიტეტსა და საქართველოს პოლიტექნიკურ ინსტიტუტში. 2003 წელს მიენიჭა "საუკეთესო ინჟინრის საპატიო წოდება". გეოლოგია-მინერალოგიის მეცნიერებათა დოქტორი. არის მრავალი სამეცნიერო შრომის, გამოგონებისა და რაციონალიზატორული წინადადების ავტორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 101