მაია მახარაძე

დაბადების ადგილი: ქობულეთის რაიონის სოფელი ციხისძირი.

დაამთავრა თბილისის ალ. პუშკინის სახელობის პედაგოგიური ინსტიტუტი ხელოვნებათმცოდნეობის სპეციალობით; ბათუმის ნ. კანდელაკის სახელობის სამხატვრო სასწავლებელი მხატვრის სპეციალობით და ქალაქ თბილისის N36 პროფესიულ სწავლებათა ტექნიკუმი (მზაქსოვილის ხარისხის კონტროლო).

ავტორია წიგნებისა: "ცოდვილთა თეატრონი" (2005), "დამსხვრეული კერპები" (1997), მისი ლექსები შეტანილია ახალგაზრდა შემოქმედთა ერთობლივ პოეტურ კრებულში ("ძოწისფერი გვირილები", 1987). სხვადასხვა დროს მუშაობდა: ხელვაჩაურის რაიონულ გაზეთში კორექტორად, თამბაქოს ფაბრიკაში მხატვრად, ხელვაჩაურის მოსწავლე - ახალგაზრდობის სახლში - დრამატული წრის ხელმძღვანელად, ქალაქ ბათუმის კერამიკული საამქროს მხატვრად. ამჟამად ქართულ-ფრანგული სკოლის პედაგოგია.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.60; ჟურნალი "აფინაჟი": apinazhi.ge

• ცოდვილთა თეატრონი : რომანი (ავტორი). - ბათუმი, ალიონი , 2005. - 256გვ.. - ISBN: 9992843969
• დამსხვრეული კერპები აჭარა, : მოთხრობები, ჩანახატები, ესკიზები (ავტორი). - ბათუმი , აჭარა, 1997. - 40 გვ.