ბეროძე რუთა

დაიბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1940 წელს. 

ბავშვობაში ერთხანს ოჯახით მაღაროსკარში ცხოვრობდა, სადაც მისი ქართულის მასწავლებელი იყო პოეტი ბაჩანა რაზიკაშვილი; ახალგაზრდობის წლებში დაახლოებული იყო ლადო ასათიანთან და მის მეგობრებთან. 1943 წლიდან გარდაცვალებამდე ქუთაისში გამომავალი გაზეთების რედაქციებში მუშაობდა; პირველი ლექსი გამოაქვეყნა 1934 წელს გაზეთ "რიონჰესის დამკვრელში"; გამოცემული აქვს ათზე მეტი წიგნი, მათ შორის ლექსების კრებულები: "პირველი ფრენა" (1961), "პატარა ჩანჩქერი" (1969), "ლერწმის სალამური" (1976), "მზის მონოლოგი" (1979) და სხვა; მისი ლექსები პერიოდულად იბეჭდებოდა საქალაქო და რესპუბლიკურ პრესაში; ავტორია რამდენიმე პიესისა, რომელთაგან ლირიკული პიესა "ახირებული" ლადო მესხიშვილის სახელმწიფო თეატრის სცენაზე დაიდგა, ოთხი კი - ქუთაისის სახელმწიფო თოჯინების თეატრში.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.61

• საქართველოს დამსახურებული ჟურნალისტი

• მონოლოგი მზის ამოსვლისას : ლექსები (ავტორი). - ქუთაისი, საბჭ. საქართველო, ქუთაისის ფილიალი, 1981. - 91გვ.
• ლერწმის სალამური : ლექსები (ავტორი). - თბილისი, საბჭოთა საქართველო, 1976. - 105გვ.
• მოვდივარ მომიხარია : მოთხრობა. უფროსი სასკოლო ასაკის ბავშვთათვის (ავტორი). - თბილისი, ნაკადული, 1973. - 62გვ.
• შემოდგომის ფერები : ლექსები (ავტორი). - თბილისი, მერანი, 1971. - 125გვ.