დავით გაბუნია

დაბადების ადგილი: მარტვილის რაიონი.

წლების განმავლობაში მუშაობდა სოხუმის რუსთაველის სახელობის სკოლა-გიმნაზიაში დირექტორის მოადგილედ. აფხაზეთის ომის შემდეგ (1996) იგი იძულებული გახდა მოსკოვში გადასახლებულიყო, სადაც ქართულ სათვისტომოს დაუახლოვდა და მის ლიტერატურულ-კულტურულ საქმიანობაში ჩაება, იქვე გამოსცა ორტომეული: "ზარები ნიჟარაში" და "ფოთოლცვენის ლანდები"; 2011 წელს დაბრუნდა საქართველოში; სულ გამოცემული აქვს 15 პოეტური კრებული; 2012-2013წწ. მან გამოსცა ოთხტომეული "ცისა და მიწის ოთხი ხეივანი" ("ვარდფურცლობის დღესასწაული", "კივიან სამრეკლოს ზარები", "ფერიცვალების ველი", "სიშორის ფესვები"), რომელიც ნ. ბარათაშვილის სახელობის სახელმწიფო პრემიით აღინიშნა; ასევე, მკითხველისთვის ხელმისაწვდომია დავით გაბუნიას მიერ თარგმნილი კლასიკური პოეზიის ნიმუშები (გოეთე, ბაირონი, შელი, ქითსი, უიტმენი, ლორკა, ესენინი); კრებული 2017 წელს გამოსცა გამომცემლობა "უნივერსალმა";  სხვა საგულისხმო ნიშნებთან თუ ღირებულებებთან ერთად, მისი ლექსები გამოირჩევა განსაკუთრებული სისადავით; ავტორი ახერხებს, დაანახოს მკითხველს, თუ რამდენად გულწრფელია ყველა ის ემოცია, რომელიც მოაქვს მის სტრიქონებს და რადგან ყველაფერი ცრემლებამდე ნამდვილია, პოეზია აუცილებლად ისაკუთრებს თავის წილ სივრცეს.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.74; მწერლის გაზეთი №4: (dspace.nplg.gov.ge); ჩამავალი მზის მელოდიები : პოეზია. წიგნი 1, მზერათმავედრებელი / დავით გაბუნია: (dspace.nplg.gov.ge)

• ნიკოლოზ ბარათაშვილის სახელობის პრემია

• სონეტები (ავტორი). - თბილისი, მინიატურა, 2022. - 768გვ.. - ISBN: 9789941978562
• ჩამავალი მზის მელოდიები : პოეზია, ლექსები, თარგმანები (ავტორი) // წიგნი 2, საით მიცურავ მზეო?! . - თბილისი, უნივერსალი, 2021. - 932გვ.. - ISBN: 9789941267598
• ჩამავალი მზის მელოდიები : პოეზია (ავტორი) // წიგნი 1, მზერათმავედრებელი. - თბილისი, უნივერსალი, 2021. - 888გვ.. - ISBN: 9789941267581