ნანა გასვიანი

დაბადების ადგილი: ქ. ცაგერი.

დაამთავრა ნიკო მუსხელიშვილის სახელობის ქუთაისის პოლიტექნიკური ინსტიტუტი.

2008-2015წწ. არის ქუთაისის 25-ე საქალაქო ბიბლიოთეკა-ფილიალის I კატეგორიის ბიბლიოთეკარი; 2015 წლიდან ქუთაისის მე-16 ბაგა-ბაღის გამგე; პირველი ლექსი გამოაქვეყნა საქალაქო გაზეთ "ქუთაისში"; შემდგომ იბეჭდებოდა ლიტერატურულ პერიოდიკაში (ჟურნალები: "განთიადი", "მნათობი", "ლიტერატურული გაზეთი" და სხვ.) 1999 წელს თანამოაზრეებთან ერთად ქუთაისში დააფუძნა ხელოვანთა კავშირი "მარიოტა", რომლის პრეზიდენტია 2001 წლიდან; იყო ამ კავშირის სალიტერატურო ჟურნალის "ი/ა" რედაქტორი; ავტორია პოეტური კრებულებისა: "მებოძირი" (2006) და "რაც მზის წინ იყო" (2017); არის საბავშვო ლექსების კრებულის "ლილე" თანაავტორი და რედაქტორი, 1980-1990-იანი წლების ქუთაისის ლიტერატურული თაობების ანთოლოგიის თანაშემდგენელი და რედაქტორი; თარგმნილი აქვს მილან კუნდერას, ხორსე ლუის ბორხესის, ვლადიმერ ნაბოკოვისა და სხვათა ნაწარმოებები, რომლებიც დაბეჭდილია ლიტერატურულ ჟურნალ-გაზეთებში. არის ლიტერატურული კონკურსის "ჭადრის ოქროსფერი ფოთოლის" ლაურეატი (2015), 2019 - ლიტერატურული კონკურსის "ჭადრის ოქროსფერი ფოთოლის" მე-3 ადგილის მფლობელი (2019).

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.79-80; პარლამენტის ეროვნული ბიბლიოთეკის ციფრული ფოტომატიანე; ქალაქ ქუთაისის ილია ჭავჭავაძის სახელობის საჯარო ბიბლიოთეკა: dspace.nplg.gov.ge

• ხელოვანთა კავშირი "მარიოტა", პრეზიდენტი (2002-)
• ხელოვანთა კავშირი "მარიოტა", წევრი (2000-2002)

• რაც მზის წინ იყო : ლექსები (ავტორი). - თბილისი, ინტელექტი, 2017. - 142გვ.. - ISBN: 9789941470837
• ლილე : საბავშვო ლექსები (თანაავტორი). - ქუთაისი, ხელოვანთა კავშირი "მარიოტა", 2009. - 56გვ.