სულეიმან გუმაშვილი

დაბადების ადგილი: სოფელი ჯოყოლო, ახმეტის რაიონი.

დაამთავრა თბილისის შოთა რუსთაველის სახელობის ლიტერატურის ინსტიტუტის ასპირანტურა 1999 წელს. 

1963 წელს სწავლის გასაგრძელებლად მისაღები გამოცდები ჩააბარა ჩეჩნეთ-ინგუშეთის რესპუბლიკის სახელმწიფო პედაგოგიურ ინსტიტუტში; სტუდენტობის პერიოდში გახდა ჩეჩნეთ-ინგუშეთის ჩემპიონი "თავისუფალ ჭიდაობაში" და "სამბოში"; უმაღლესი განათლების მიღების შემდეგ, გარკვეული პერიოდი, პედაგოგიურ მოღვაწეობას ეწეოდა ჩეჩნეთის სხვადასხვა სკოლებში; 1970 წლიდან მშობლიურ რაიონს დაუბრუნდა და მუშაობა დაიწყო მატნის საშუალო სკოლის რუსული ენისა და ლიტერატურის მასწავლებლად; 1979-1991წწ. იყო სოფელ ომალოს საშუალო სკოლის დირექტორი; 1991-1995წწ. სოფელ ბირკიანის საშუალო სკოლის დირექტორად მუშაობდა; 1999-2007წწ. ლექციებს კითხულობდა თბილისის სახელმწიფო უნივერსიტეტის სიღნაღის ფილიალში; 1995 წელს გამოიცა მისი ლექსების კრებული "ჩემო ჩეჩნეთო" (ჩეჩნურ ენაზე), 2001 წელს იგივე კრებული გამოიცა ქართულ ენაზე; 2002 წელს გამოიცა მისი მეორე წიგნი (ლექსების კრებული) "ჩემო საქართველო" (ქართულ ენაზე); ფილოლოგიის მეცნიერებათა კანდიდატი.

საკანდიდატო დისერტაციის თემა - "ვაინახების ტრადიციების ასახვა ალექსანდრე ყაზბეგისა და ვაჟა-ფშაველას შემოქმედებაში", დაიცვა 1999 წელს.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.102-103; პანკისის სათემო რადიო: radioway.ge

• საქართველოს მწერალთა კავშირი, წევრი
• ჩეჩნეთის მწერალთა კავშირი, წევრი

• 2003 - ღირსების ორდენი

• ჩემო საქართველო : ლექსები (ავტორი). - თბილისი, ლეთა, 2002. - 240გვ.
• ჩემო საქართველო : ლექსები (ავტორი). - თბილისი, ლეთა, 2001. - 256გვ.