მინდია ცეცხლაძე

დაამთავრა ბათუმის ინფორმაციული ტექნოლოგიების ლიცეუმი 2004 წელს; 2008 წელს კი ბათუმის შოთა რუსთაველის სახელობის სახელმწიფო უნივერსიტეტის ბიზნესის ადმინისტრირების ფაკულტეტი საფინანსო, საბანკო და სადაზღვევო საქმის სპეციალობით 2008 წელს; ამავე უნივერსიტეტის მაგისტრატურა ლიტერატურათმცოდნეობისა და ლიტერატურული თეორიის სპეციალობით 2013 წელს.

ცხრა სამეცნიერო სტატიის ავტორია. გამოცემული აქვს ლექსთა კრებული "ცეცხლის ქარები" (2008); მისი ლექსები შეტანილია ერთობლივ კრებულებში: "მოზაიკა", "მეცხრე ტალღა", "ლექსო არ დაიკარგები", "მერანი", "ლექსების გამოფენა". იბეჭდება ქართულ პერიოდულ ჟურნალ-გაზეთებში. სხვადასხვა დროს მუშაობდა: შპს "ოცნების" ფინანსური მენეჯერის ასისტენტად, მმართველობითი აღრიცხვის მენეჯერად, პროექტში - "ქართული ენის ეროვნული კორპუსი" - ტექნოლოგიური ჩარჩოს შექმნა (პოზიცია - დიგიტალიზატორი), ბათუმის სახელმწიფო უნივერსიტეტის სტუდენტთა ლიტერატურული ჟურნალის ("ინტეგრალი") სარედაქციო საბჭოს წევრად. 2017 წლიდან სამუშაოდ გადავიდა გრიგოლ მრობაქიძის სხელობის ბათუმის წარმომადგენლობაში, პროფესორის ასისტენტად. 2018 წლიდან ამავე წარმომადგენლობის მოწვეული ლექტორია. საქართველოს ახალგაზრდა ხელოვანთა ასოციაციის "ეგო არტ" კონკურსის პრემია და I ადგილი (2014).

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.94; საზოგადოებრივი მაუწყებლის აჭარის ტელევიზია: ajaratv.ge

• 2011 - ვაჟა-ფშაველას სახელობის პრემია
  ამიერკავკასიის ახალგაზრდა პოეტთა კონკურსი

• ცეცხლის ქარები : ლექსები (ავტორი). - ბათუმი, ლაზარე, 2008. - 112 გვ.. - ISBN: 9994080318