ჟუჟუნა ვაშაგაშვილი

დაბადების ადგილი: სოფელი ქვეში, გორის რაიონი.

1957 წელს ჩაირიცხა ცხინვალის სამხატვრო პედაგოგიურ სასწავლებელში. 1965 წელს სწავლა განაგრძო გორის ნიკოლოზ ბარათაშვილის სახელობის სახელმწიფო ინსტიტუტში, ქართული ენისა და ლიტერატურის სპეციალობის ფაკულტეტზე.

1966-1992 წლებში მუშაობდა გორის საბავშვო სამხატვრო სკოლაში სახვითი ხელოვნების პედაგოგად და სასწავლო ნაწილის გამგედ; 1994-1996წწ. ცხოვრობდა პოლონეთში, ქალაქ პოზნანში. ბავშვობიდანვე წერს და ხატავს... იბეჭდება სხვადასხვა ჟურნალ-ალმანახებში: "ლიახვი", "კლდეკარი", "დროშა" და პერიოდულ პრესაში; 2006 წელს გამოვიდა მისი პირველი კრებული "გაზაფხულიდან-დაზამთრებამდე", შემდეგ – რჩეული ლირიკა და სონეტები.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.140

• რჩეული ლირიკა (ავტორი). - თბილისი, 2014. - 300გვ.. - ISBN: 9789941061134