კარლო ვაშაკიძე

დაბადების ადგილი: სოფელი დიდი ჯიხაიში, სამტრედიის რაიონი.

დაამთავრა საქართველოს პოლიტექნიკური ინსტიტუტი ინჟნერ-ელექტრიკოსის კვალიფიკაციით 1944 წელს.

1938 წელს მუშაობა დაიწყო ელექტრომონტიორად; 1941-1943წწ. მონაწილეობდა მეორე მსოფლიო ომში; 1944-1948წწ. მუშაობდა ტრესტ ტყიბულშახტმშენის შაორჰესის მშენებლობაზე მთავარ ენერგეტიკოსად; 1948 წლიდან "საქენერგოს" სისტემაშია სხვადასხვა თანამდებობებზე: უფროსი ინჟინერ-ინსპექტორი, 110 კვ. ძაბვის კასპის ქვესადგურის უფროსი, მოწყობილობების სამონტაჟო სამსახურის სექტორის უფროსი, მარნეულის ელექტროქსელის დირექტორი, სამრეწველო-ტექნიკური განყოფილების ქსელების სექტორის უფროსი, "საქმთავარენერგოს" კოლეგიის პასუხისმგებელი მდივანი. დაჯილდოებულია სახელმწიფო მედლებითა და სიგელებით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 126-127

• სსრკ საპატიო ენერგეტიკოსი
• საქართველოს დამსახურებული ენერგეტიკოსი
• სამამულო ომის I ხარისხის ორდენი