გია ხარებავა

დაბადების ადგილი: ქ. სამტრედია.

დაამთავრა ბათუმის საზღვაოსნო სასწავლებლის გემთწამყვანი ფაკულტეტი შტურმან - გემთწამყვანის სპეციალობით 1979 წელს; ნოვოროსიისკის უმაღლესი საზღვაო-საინჟინრო სასწავლებელი (НВИМУ) ინჟინერ-გემთწამყვანის, შორეული ნაოსნობის შტურმანის აკადემიური ხარისხით 1992 წელს.

1980 წელს განაწილებით შორეულ აღმოსავლეთში, სსრკ-ს ქალაქ ნახოდკის ზღვისპირეთის  საზღვაო სანაოსნოში (Приморское морское пароходство) მოხვდა, სადაც ერთი წელი დაჰყო და ამ სანაოსნოს გემებზე რიგითი მატროსობიდან კაპიტნის თანაშემწე გახდა; 1981 წელს გიორგი ხარებავა სამშობლოში დაბრუნდა და მეზღვაურად საქმიანობა ბათუმის საზღვაო-სავაჭრო ნავსადგურის პორტფლოტის გემებზე, 1983 წლიდან კი საქართველოს საზღვაო სანაოსნოს მცურავ შემადგენლობაში თავდაპირველად მატროსად, 1986 წლიდან კი შორეული ნაოსნობის კაპიტნის თანაშემწედ განაგრძო; 1998 წელს კაპიტნის უფროსი თანაშემწე გახდა, 2002 წელს კი იგი შორეული ნაოსნობის კაპიტნად დაამტკიცეს და დღემდე მსოფლიოს სხვადასხვა სანაოსნო კომპანიების გემების ეკიპაჟებს მეთაურობს. მოქმედი შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com