მირიან ზალოშვილი

დაბადების ადგილი: ქ. კასპი.

დაამთავრა თბილისის სახელმწიფო თეატრალური ინსტიტუტის სამსახიობო ფაკულტეტი; ლენინგრადის კულტურის ინსტიტუტის სარეჟისორო ფაკულტეტი.

მუშაობდა რუსთავის კულტურის განყოფილებაში სამხატვრო ხელმძღვანელად; საქართველოს ფილარმონიის საკონცერტო ჯგუფის მსახიობად; პარალელურად, რუსთავის საექსკურსიო ბიუროს ხელმძღვანელად; 2001 წლიდან ცხოვრობს ემიგრაციაში საბერძნეთში; 2004 წლიდან თანამშრომლობს საბერძნეთში ქართულ ემიგრანტულ გაზეთთან - "ელადა": ჟურნალისტად, შემდგომ რედაქტორის მოადგილედ, 2014 წლიდან რედაქტორად; ასევე მუშაობს გაზეთის ლიტერატურულ დამატებაში; ეწევა სამწერლო მოღვაწეობასაც: 2006 წელს პირველი წიგნი - "გამარჯობა, ელადა" (ნოველები, პუბლიცისტური წერილები) გამოსცა, 2008-ში - "ემიგრანტის თეატრი" (მოგონებები, ნოველები), რომელიც დედის, ეკატერინე ზალოშვილის 80 წლის იუბილეს მიუძღვნა; მესამე წიგნი - "შორია საქართველომდე" 2010 წელს გამოქვეყნდა, რომელშიც ნოველები, მოთხრობები, ლექსებია შესული; მეოთხე წიგნი - "ერთი სიცოცხლე რომ მქონდეს კიდევ", გარდაცვლილი მეუღლის ხსოვნას მიუძღვნა; მეხუთე წიგნში - "ღვთის ბოძებული საჩუქარი" ერთი რომანი, ნოველები, მოთხრობები და ლექსებია შესული.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.145; ჟურნალი "გზა": gza.kvirispalitra.ge

• ემიგრანტის წერილი - 2014 : კრებული (თანაავტორი). - თბილისი, ივერიონი, 2015. - 236გვ.
• ფეხითმოსიარულე (თანაავტორი) // ნაწ. 3. - თბილისი, 2010. - 384გვ.. - ISBN: 9789941026515