თენგიზ თოფურიძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი და ქუთაისის აკაკი წერეთლის სახელობის უნივერსიტეტის ჟურნალისტიკის ფაკულტეტი, შემდეგ – თბილისის ბიზნესის სახელმწიფო ინსტიტუტი.

მუშაობს ცენტრალურ და რეგიონულ სახელისუფლებო სტრუქტურებში წამყვან თანამდებობებზე. პირველი ლექსები ადრეულ ბავშვობაში გამოაქვეყნა. სხვადასხვა დროს იყო ლიტერატურულ გაზეთ "ცაის" რედაქტორი, გაზეთ "სპორტული ქუთაისის" რედაქტორის მოადგილე, საბავშვო ლექსების კრებულ "ლილე"-ს თანაავტორი. მისი ლექსები, ნოველები, პუბლიცისტური წერილები იბეჭდება ქართულ ჟურნალ-გაზეთებში. მისი პოეზიისა და თარგმანების კრებული 2007 წელს გამოიცა. ლექსები შესულია ანთოლოგიაში "1980-1990-იანი წლების ქართველი პოეტები" (2010). გამოცემული აქვს თარგმანები: ჩინური პოეზიის მცირე ანთოლოგია - "ჩინური პეიზაჟური ლირიკა" (1998), ლუ სინის რჩეული თხზულებების კრებული "მოწოდება" (2001).

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.158-159

• ლილე : საბავშვო ლექსები (თანაავტორი). - ქუთაისი, ხელოვანთა კავშირი "მარიოტა", 2009. - 56გვ.
• ლექსები, თარგმანები (ავტორი). - ქუთაისი, საგამომცემლო ცენტრი, 2006. - 76გვ.