ივანე კეცხოველი

დაბადების ადგილი: სოფელი ტყვიავი, გორის რაიონი.

1903-1904 წლებში ხელმძღვანელობდა რსდმპ გორის ორგანიზაციას, მონაწილეობდა 1905 წლის რევოლუციაში; რევოლუციური საქმიანობის გამო სამი წლით იყო დაპატიმრებული, განთავისუფლდა ამნისტიით 1905 წლის 17 ოქტომბერს. 1900-1901 წლებში მუშაობდა გეოფიზიკურ ობსერვატორიაში, 1915 წლიდან იყო ბაქოს ნავთის მრეწველთა საბჭოს სტატისტიკოსი, 1918 წელს ბაქოს საგუბერნიო სასურსათო კომიტეტის გამანაწილებელი ბიუროს გამგე, 1919 წელს აზერბაიჯანის სამომხმარებლო კოოპერაციის კავშირის სტატისტიკური განყოფილების გამგე, 1924 წლიდან საქართველოს სამომხმარებლო კოოპერაციის ცენტრალური კავშირის სტატისტიკოსი. ბაქოს ნავთის მრეწველთა საბჭოში მუშაობის დროს, როგორც ჟურნალისტი თანამშრომლობდა რუსულ ჟურნალთან "Нефтянное дело", აზერბაიჯანის კოოპერაციულ კავშირში მუშაობის დროს რუსულ კოოპერაციულ ჟურნალში "Трудовая жизнь" აქვეყნებდა სტატიებს, ასევე 1925 წლიდან თანამშრომლობდა ცეკავშირთან არსებულ ჟურნლ "კავშირში", შემდეგ "ჩვენ კოოპერაციაში" და სხვ. ივანე (ვანო) კეცხოველი წერდა სამრეწველო რაიონებში სასურსათო საკითხების მოგვარებისა და კოოპერაციული საქმიანობის შესახებ. რევოლუციონერი, კოოპერატორი. ზაქარია კეცხოველის შვილი, ლადო და ნიკოლოზ კეცხოველების ძმა, აკადემიკოს ნიკო კეცხოველის ბიძა.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.637

• კოოპერატიული მუშაობა ახალგაზრდათა შორის (ავტორი). - ტფილისი, ცეკავშირის გა-მა და სტ., 1929. - 56გვ.
• კოოპერაციის საერთაშორისო დღე (ავტორი). - ტფილისი, ცეკავშირის გა-მა და სტ., 1929. - 24გვ.