ეთიმ იოსელიანი

დაბადების ადგილი: სოფელი მულახი, ახლანდელი მესტიის მუნიციპალიტეტი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1970 წელს.

1970 წელს უნივერსიტეტის დამთავრებისთანავე მუშაობა დაიწყო ამიერკავკასიის სამეცნიერო-კვლევით ჰიდრომეტეოროლოგიურ ინსტიტუტში უფროს მეცნიერ თანამშრომლად. 1972 წელს ჩაირიცხა მოსკოვის ჰიდრომეტცენტრის ასპირანტურაში, 1977 წელს დაიცვა დისერტაცია ფიზიკა-მათემატიკის მეცნიერებათა კანდიდატის სამეცნიერო ხარისხის მოსაპოვებლად. დისერტაციის თემა ეხებოდა ჰიდროდინამიკური პროცესების მოდელირებას ატმოსფეროს ფიზიკაში. მისი სადისერტაციო გამოკვლევების რიგი საკითხები ამ დარგში მსოფლიო მასტაბის მიღწევად იქნა აღიარებული. 1977-1983წწ. ჰიდრომეტცენტრში, უფროს მეცნიერ-თანამშრომლად მუშაობის პარალელურად კითხულობდა ზოგადი ფიზიკის კურსს საქართველოს პოლიტექნიკური ინსტიტუტის ფიზიკის კათედრაზე. 1987-2005წწ. ნოემბრამდე იგი თბილისის სახელმწიფო სამედიცინო ინსტიტუტის სამედიცინო ინფორმატიკის და კიბერნეტიკის დოცენტია. 1987-1990წწ. ხელმძღვანელობდა სამედიცინო ინფორმატიკის მიმართულებას და სახელშეკრებულო თემას "სამედიცინო ინსტიტუტში სასწავლო დისციპლინებში ავტომატიზირებული გაკვეთილების მომზადება". წარმატებით აგრძელებდა სამეცნიერო კვლევებს და ამზადებდა სადოქტორო თემას - "მათემატიკური მოდელების აგების, დამუშავებისა და სწავლების მეთოდოლოგიური საკითხები სამედიცინო კადრების უწყვეტი მომზადების პირობებში", იგი არის 30-მდე სამეცნიერო შრომის ავტორი და თანაავტორი, რომელთა შორისა 1987 წელს გამოცემული "სასწავლო-მეთოდური მასალები სამედიცინო ელექტრონიკისა, ინფორმატიკისა და ბიოტექნიკურ სისტემებში" და დამხმარე სახელმძღვანელო ინფორმატიკის საკითხებზე.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.197