ზაზა წურწუმია

დაბადების ადგილი: ქ. სოხუმი.

დაამთავრა თბილისის ივ. ჯავახიშვილის სახელობის სახელმწიფო უნივერსიტეტის სოხუმის ფილიალის ისტორია-იურიდიული ფაკულტეტი 1994 წელს.

საქართველოს საპატრიარქოს წმინდა თამარ მეფის უნივერსიტეტის პროფესორი, თურქოლოგიის სამაგისტრო პროგრამის ხელმძღვანელი. სამეცნიერო კვლევების სფერო: თურქეთ-საქართველოს ურთიერთობები, თურქეთის ქართველების და ჩრდილოკავკასიელების დიასპორის ისტორია, კულტურა, ენობრივი ვითარება, დიასპორული სათვისტომო-ორგანიზაციები. არის მონოგრაფიისა და ოცდაათი სამეცნიერო სტატიის ავტორი. 2019 წელს სტამბოლში, თურქულ ენაზე გამოიცა მისი წიგნი "აფხაზეთი ოსმალეთ-რუსეთის ურთიერთობებში XIX საუკუნესა XX საუკუნის დასაწყისში"(yeditepeyayinevi.com); მრავალი სამეცნიერო სტატიის ავტორი: "თურქეთელი ქართველები, აფხაზები და ლაზები დღეს", მუსტაფა ბუტბაი და მისი "მოგონებები კავკასიაზე", ოსმალეთის იმპერიის ქართველი ვალიდე სულთნები = Georgian valide sultans of ottoman empire, ფერაჰ ალი ფაშა - ანაპისა და სოღუჯაკის გუბერნატორი : (1781-1785). ისტორიის დოქტორი, თურქოლოგი.
სადოქტორო დისერტაციის თემა - "აფხაზეთი რუსეთ-ოსმალეთის ურთიერთობებში", დაიცვა 2010 წელს.

• აფხაზეთი რუსეთ-ოსმალეთის ურთიერთობებში : XIX საუკუნესა და XX საუკუნის დასაწყისში (ავტორი). - თბილისი, მერიდიანი, 2012. - 256გვ.. - ISBN: 9789941106507