სოლომონ კიპრიზოვი

გაქართველებული ბერძენი. ქართველთა დიდი მოყვარული და სწავლა-განათლების გავრცელების მოსურნე. თბილისის მოქალაქე. სოლომონ კიპრიზოვმა ქართველ ქალთა "განათლების" საზოგადოებას სუფ-სარქისის ქუჩაზე მდებარე 40.000 მანეთად ღირებული 40-ოთახიანი კეთილმოწყობილი საკუთარი სახლი, ხოლო 1896 წელს ქართველთა შორის წერა-კითხვის გამავრცელებელ საზოგადოებას 44 ქართული და რამდენიმე ძველი სპილენძის მონეტა შესწირა. ვერაგულად მოკლეს 1915 წლის 15 ივლისს. ქველმოქმედი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.685; საქართველოს პროსოპოგრაფია: prosopography.iliauni.edu.ge