ნოდარ ჟიჟიაშვილი

დაბადების ადგილი: სოფელი ტოლოში, ასპინძის რაიონი.

დაამთავრა ექვთიმე თაყაიშვილის სახელობის თბილისის კულტურისა და ხელოვნების სახელმწიფო უნივერსიტეტი 2003 წელს, წიგნთმცოდნის, წიგნსაცავთმცოდნის, წიგნთაღმწერის სპეციალობით (კულტურის ფაკულტეტი, ფილოლოგიის კათედრა).

2005 წლიდან მუშაობს თბილისის მულტიფუნქციური ბიბლიოთეკების გაერთიანებაში. პირველი ლექსები გამოაქვეყნა ჟურნალ "ცისკარში" 2001 წელს, ხოლო 2002 წელს დაიბეჭდა გაზეთ "ქართულ კულტურაში". შემდგომ წლებში იბეჭდებოდა სხვადასხვა ჟურნალ-გაზეთებში, მათგან აღსანიშნავია გაზეთი "ლიტერატურული საქართველო"; 2020 წლის გაზაფხულის პოეტური ალმანახი "წვიმის ელეგია"; აგრეთვე 2022-2023 წლებში დაიბეჭდა 21-ე საუკუნის ქართული პოეზიის ანთოლოგიებში: "ავტორთა რჩეული ლექსები", "სატრფიალო ლირიკა", "სამოქალაქო, რელიგიური და პატრიოტული ლექსები" და "ლექსის აკვანის" მე-10 და მე-11 ტომებში. 2007-2008 წლებში გამოსცა სამი წიგნი: "მე პოეზიის ანგელოზი მალაპარაკებს", "მესხეთის არწივები" და "შავფაროსნები".

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.262

• საქართველოს მწერალთა ეროვნული აკადემია, წევრი
• საქართველოს მწერალთა კავშირი, წევრი

• მე პოეზიის ანგელოზი მალაპარაკებს : ლექსები და პოემები (ავტორი). - თბილისი, 2008. - 104გვ.
• შავფაროსნები : პოემა (ავტორი). - თბილისი, 2008. - 61გვ.
• მესხეთის არწივები : პოემა (ავტორი). - თბილისი, 2007. - 56გვ.