ჟუჟუნა ჩახუნაშვილი-ქინქლაძე

დაბადების ადგილი: ქ. ქუთაისი.

დაამთავრა ვ. სარაჯიშვილის სახ. თბილისის სახელმწიფო კონსერვატორია, ფორტეპიანოს სპეციალობით 1956 წელს.

კონსერვატორიის დამთავრების შემდეგ მუშაობას იწყებს თბილისის მ. ბალანჩივაძის სახ. მე-3 სამუსიკო სასწავლებელში, პედაგოგად (1956-2001), შემდგომ კი ვ. სარაჯიშვილის სახ. თბილისის სახელმწიფო კონსერვატორიაში, საერთო ფორტეპიანოს კათედრის პედაგოგად (1961-2004), სადაც 1991 წელს ენიჭება დოცენტის სამეცნიერო წოდება. პედაგოგიური საქმიანობის პარალელურად, აქტიურ შემოქმედებით მოღვაწეობას ეწევა და ორი ფორტეპიანოსათვის (ოთხ ხელში) გადააქვს ქართული მუსიკის კლასიკოსების საორკესტრო და ვოკალური ნაწარმოებები, რომელთაგან აღსანიშნავია: ალიოზ მიზანდარის - "მაზურკა", "პატარა ვალსი №1", "პატარა ვალსი №2", ვაჟა აზარაშვილის - "სახუმარო", "ანტიცა" (აფხაზური სახუმარო სიმღერა), "სატრფიალო", "მგზავრული", რევაზ ლაღიძის - "ნოქტიურნი", "სიმღერა", მერი დავითაშვილის - "ხორუმი". საერთო ფორტეპიანოს კათედრის დოცენტი, პიანისტი. თვალსაჩინო მეცნიერისა და საზოგადო მოღვაწის ოთარ ქინქლაძის მეუღლე.

• 1985 - საქართველოს დამსახურებული არტისტი
• 1980 - საქართველოს დამსახურებული მასწავლებელი