ბარბარე კორინთელი-ყიფშიძისა

1878-1879 წლებში თავის მეუღლესთან, გრ. ყიფშიძესთან ერთად, გამოდიოდა ქართულ სცენაზე. მუდმივმოქმედი დასის დაარსებისთანავე წარმოდგენებს მართავდა საქართველოს ქალაქებში, დაბებსა და სოფლებში. 1881-1885 წლებში მონაწილეობდა ვასო აბაშიძის ანტრეპრეზაში. ბარბარე კორინთელი იყო მაკო საფაროვა-აბაშიძის თეატრალური სკოლის მიმდევარი, ასევე იყო ქართლის ხალხოსანთა რევოლუციური წრის წევრი. გიორგი ფრონისპირელის (ყიფშიძე) დედა.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.736; საქართველოს პარლამენტის ეროვნული ბიბლიოთეკა: ფსევდონიმების ლექსიკონი:  nplg.gov.ge