ეკა აბულაძე

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის სახვითი ხელოვნების ფაკულტეტი მხატვარ-ფერმწერის კვალიფიკაციით 1989 წელს; ასპირანტურის (ასისტენტ-სტაჟირების პროგრამა) სრული კურსი უმაღლესი სახელოვნებო სკოლის მაღალკვალიფიციური პედაგოგის (უფროსი მასწავლებელი) კვალიფიკაციით თბილისის სახელმწიფო სამხატვრო აკადემიის არქიტექტურის ფაკულტეტის მონუმენტური ფერწერის კათედრაზე 1995 წელს; ტრენინგების და სემინარების სრული კურსი არტ-მენეჯმენტსა და არტ-მარკეტინგში, თანამედროვე ხელოვნების მოღვაწეთათვის საერთაშორისო პროექტის "არტ კავკასია" ფარგლებში 2003 წელს.

1990 წელს იყო ივო პოგორეჩის სტუდიის "მასტერ-კლასები ვიზუალურ ხელოვნებაში" (ქ. ლონდონი, დიდი ბრიტანეთი) ორგანიზატორი და წამყვანი; 1991-1999წწ. თბილისის სახელმწიფო ტექნიკური უნივერსიტეტის არქიტექტურის ფაკულტეტის სახვითი ხელოვნების კათედრის ხატვისა და ფერწერის პედაგოგი, პროფესორის ასისტენტის თანამდებობაზე; 1996 წელს ივო პოგორელიჩის მუსიკალური აკადემიის "Villa Frappart"-ის მასტერ კლასებისა და ვორკ-შოფების წამყვანი (ქ. ლოვრანი, ქ. დუბროვნიკი, ხორვატია); 1994-2004წწ. თბილისის სახელმწიფო სამხატვრო აკადემიის ზოგადი ფერწერის კათედრის უფროსი მასწავლებელი ფერწერის დისციპლინაში; 1999-2004წწ. საქართველოს პრეზიდენტის სახელმწიფო უზრუნველყოფის სამსახურის, კულტურის განყოფილების, საერთაშორისო პროექტებისა და  ხელოვნების და კულტურის მიმართულებით საზღვარგარეთთან ურთიერთობის მთავარი სპეციალისტი; 1999-2011წწ. კავშირი "ახალი ხელოვნება" (NEW ART UNION) არტ-კურატორი, გამოფენების ორგანიზატორი, პროექტების მონაწილე, მხატვარი; 2004-2006წწ. თბილისის სახელმწიფო სამხატვრო აკადემიის სახვითი ხელოვნების ფაკულტეტის ფერწერის დეპარტამენტის დოცენტის მოვალეობის შემსრულებელი; 2006 წელს იყო "ELIA" -ს რეგიონალური კონფერენციის მონაწილე - დელეგატი (ქ. თბილისი), უმაღლესი სახელოვნებო განათლება და ბოლონია, საერთაშორისო ინსტიტუტების ევროპული ლიგა; 2006-2018წწ. თბილისის სახელმწიფო სამხატვრო აკადემიის სახვითი ხელოვნების ფაკულტეტის მოწვეული პედაგოგი ფერწერის დისციპლინაში, ძირითადი და მომსახურე ფერწერის მიმართულებით; 2007 წლიდან  სამხატვრო–სახელოვნებო სტუდია: "ეკა აბულაძის ART-კლასი"–ის დამაარსებელი, ხელმძღვანელი და წამყვანი პედაგოგი; 2021 წლიდან კომპანია "შპს ფლიტ პრო"-ს მხატვარი დეკორატორი; 1977-2022 წლებში ჩატარებული აქვს 22 პერსონალური გამოფენა; 1977 წელს, ქ. თბილისის ბავშვთა ხელოვნების მუზეუმში ჩატარდა მისი პირველი პერსონალური გამოფენა; მონაწილეა მრავალი ჯგუფური გამოფენისა და საერთაშორისო პროექტისა; 1969 წელს, მხატვარ ელენე ახვლედიანის სახელოსნოში, მოეწყო ბავშვთა ნამუშევრების პირველი ჯგუფური გამოფენა, სადაც ეკა აბულაძის ნამუშევრები იყო გამოფენილი და ეს იყო მისი პირველი გამოფენა; მისი ნამუშევრები დაცულია საქართველოსა და მის ფარგლებს გარეთ არსებულ, სამუზეუმო, საგალერეო და კერძო კოლექციებში; 1969 წლიდან, მის შესახებ იბეჭდება ინფორმაცია, წერილები, ინტერვიუები და ნამუშევრები ქართულ და უცხოურ ჟურნალ-გაზეთებში, კატალოგებში, ენციკლოპედიებსა თუ ინტერნეტ-გამოცემებში; ის დაჯილდოებულია მრავალი ჯილდოთი, სხვადასხვა სიგელით, პირველი ხარისხის დიპლომებით და 4 რესპუბლიკურ ოლიმპიადაში აქვს მიღებული ოქროს მედალი; არის მოყვარული ასტრონომი და ხელოვნების გარდა, მისი ინტერესის და კვლევის სფეროა ასტრონომია, ასტროფოტოგრაფია, ასტრო-ფიზიკა, ფიზიკა, კვანტური მექანიკა და კოსმოლოგია.

წყარო: ახალი და უახლესი ქართული ვიზუალური ხელოვნების პორტალი Art.gov.ge: art.gov.ge; ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 164-165

• მხატვართა საერთაშორისო ფედერაცია (IFA - International Federation of Artists. UNESCO), წევრი (1994-)
• საქართველოს მხატვართა გილდია, წევრი (2003-)
• საქართველოს მხატვართა საერთაშორისო შემოქმედებითი კავშირი, წევრი (1997-)

• მისამართი:	თბილისი, 0171. სიმონ ჩიქოვანის ქ.N 20; ბ. 73
  ტელეფონი:	სახლი:(955 32) 2 33 00 23; მობ: (+995) 99 55 00 23
  ელ.ფოსტა:
  ვებ საიტი:	https://www.facebook.com/Eka-Abuladzes-Art-Class