ირაკლი კაკაბაძე

სხვადასხვა დროს სწავლობდა თბილისის სასულიერო სემინარიაში, თბილისისა და პეტერბურგის სახელმწიფო უნივერსიტეტებში.

ეწევა პედაგოგიურ საქმიანობას, წლების განმავლობაში იყო ჟურნალ "მასწავლებლისა" და ინტერნეტ-გაზეთ mastsavlebeli.ge-ს რედაქტორი. ავტორია პოეტური და პროზაული კრებულებისა; 2018 წელს თარგმნა ქართველი მუჰაჯირების შთამომავლის, თურქულენოვანი მწერლის – რუმუზ დერინოზის პოეტური კრებული "Istanbul Travel Guide". ლექსების კრებული "ტანკები" 2013 წლის ეროვნული ბესტსელერია. მისი ნაწარმოებები თარგმნილია თურქულ, ლიტვურ, რუსულ, ფრანგულ და ბელორუსულ ენებზე, არის მრავალი ლიტერატურული ფესტივალისა და პროგრამის მონაწილე. ეწევა აქტიურ სამოქალაქო საქმიანობას ადამიანის უფლებებისა და სიტყვის თავისუფლების გამოხატვის შელახვის წინააღმდეგ. ცხოვრობს თურქეთის რესპუბლიკის ქალაქ სტამბოლში, არის ქართული კულტურული ცენტრის – "გალაკტიონის" და სტამბოლის ქართველთა სათვისტომოს დამაარსებელი. ასწავლის ქართულ ენას სხვადასხვა უმაღლეს სასწავლებელსა და საგანმანათლებლო დაწესებულებაში. 2020 წელს თურქულად ნათარგმნი "გამოსვლის წიგნი" თურქეთში წიგნების მაღაზიათა ქსელმა "პანდორამ" ბესტსელერების სიაში შეიყვანა.

წყარო: გამომცემლობა ინტელექტი: intelekti.ge

• გამოსვლის წიგნი (ავტორი). - თბილისი, ინტელექტი, 2018. - 98გვ. . - ISBN: 9789941482168
• სამწერტილები : "იაკი კაბე. ლექსების" ავტორისგან (ავტორი). - თბილისი, ინტელექტი, 2015. - 120გვ.. - ISBN: 9789941466007
• სახელმწიფო სახრჩობელასთან : ლექსები (ავტორი). - თბილისი, ინტელექტი, 2013. - 78გვ. . - ISBN: 9789941446580
• ქირმიზი, ისქანდერ ბალთაზარ - თურქული სიმღერების გზამკვლევი (ავტორი). - თბილისი, ინტელექტი, 2013. - 126გვ.. - ISBN: 9789941446238
• თანაგრძნობის სიმღერა (ავტორი). - თბილისი, სიესტა, 2004. - 180გვ.