იუზა ყაჭეიშვილი

დაბადების ადგილი: სოფელი შუაგანახლება (ამჟამად შუაამაღლება), ჩოხატაურის რაიონი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1959 წელს.

სხვადასხვა დროს მუშაობდა საქართველოს მწერალთა კავშირის მხატვრული ლიტერატურის პროპაგანდის ბიუროს თავმჯდომარის მოადგილედ, საქართველოს შსს პრეს-ცენტრის ხელმძღვანელად, გაზეთ "კრიმინალური ქრონიკის" მთავარი რედაქტორის მოადგილედ. სამწერლო ნათლობა 1958 წელს შედგა, როდესაც ჟურნალ "ცისკარში" გამოაქვეყნა პირველი მოთხრობა "ზღვის ლომი", რომლის მიხედვითაც რეზო ჩხეიძემ "ქართულ ფილმში" გადაიღო სრულმეტრაჟიანი მხატვრული ფილმი "ზღვის ბილიკი". რომანის ("გამოცხადება") მიხედვით კინოსტუდია "ქართულ ფილმში" შეიქმნა მხატვრული ფილმი (სამი სერია).

წყარო: საქართველოს ნეკროპოლი: geonecropol.com

• 2001 - ღირსების ორდენი

• დეტექტიური მოთხრობები (ავტორი). - თბილისი, დიადემა, 1995. - 128გვ.
• გამოცხადება : რომანი (ავტორი). - თბილისი, წყარო-90, 1992. - 494გვ.
• რომანი, მოთხრობები (ავტორი). - თბილისი, საბჭოთა საქართველო, 1988. - 645გვ.
• გაქცევა : მოთხრობები (ავტორი). - თბილისი, საბჭოთა საქართველო, 1983. - 180გვ.
• მოთხრობები (ავტორი). - თბილისი, მერანი, 1978. - 109გვ.