ნიკოლოზ ზვორიკინი

საქართველოში ჰიდროენერგეტიკული სქემების შემუშავების ერთ-ერთი პიონერი.

1908 წელს წარმოადგინა მდ. არაგვზე ჰიდროელექტროსადგურის აგების სქემა და გაანგარიშებები ქ. თბილისის ელექტროენერგიით უზრუნველყოფის მიზნით. დაამუშავა მდ. რიონზე ელექტროსადგურის აგების პერსპექტიული სქემა ქ. ქუთაისისა და მიმდებარე რაიონების ელექტრომომარაგების მიზნით. 1912 წელს წარმოადგინა მდ. არაგვზე სოფ. წიწამურთან ჰესის აგების სქემა. 1920-1930წწ. დაამუშავა რამდენიმე მნიშვნელოვანი სქემა საქართველოს ძირითადი მდინარეების (რიონი, მტკვარი, არაგვი, ხრამი და სხვ.) ჰიდროენერგეტიკული მიზნებისთვის გამოსაყენებლად. სულ დამუშავებული აქვს 40-მდე მდინარის გამოყენების სქემა. იყო სხვადასხვა სამთავრობო კომისიის წევრი. სისტემატურად აქვეყნებდა თავის გამოკვლევებს გაზეთებში, კრებულებში, კომისიების ანგარიშებში.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.135

• Проект гидравлической станции на р. Арагве : Докл. инж. Н.Н. Андреева и Н.К. Зворыкина, прочит. 26 марта 1908 г. в заседании Кавк. отд. Имп. Рус. техн. о-ва (თანაავტორი). - Тифлис , тип. Канцелярии наместника е. и. в. на Кавказе, 1908. - 50с.