ლეონარდო კოკოჩაშვილი

დაბადების ადგილი: ქ. ქუთაისი.

ფარმაცევტ ივანე კოკოჩაშვილის უმცროსი ვაჟი ლეონარდო, ოცდაათიან წლებში იყო ქალაქ ქუთაისის არქიტექტორ-მშენებელი, 27 წლის ახალგაზრდა, ნიჭიერი და პერსპექტიული ინჟინერი, რომლის ხელმძღვანელობით მრავალი ობიექტი აშენდა ქუთაისში (დაწყებული ჰქონდა ქუთაისის დრამატული თეატრის მშენებლობა)... ხალხის მტრად გამოცხადდა და საფიჩხიის ტყეში სხვა "მსჯავრდებულებთან" ერთად დახვრიტეს 1937 წელს (იმ წლის დეკემბერში დაგეგმილი იყო ადგილობრივი ორგანოების არჩევნები. ლეონარდოს ევალებოდა ლოზუნგების განაწილება ქალაქში. სწორედ ამასთან დაკავშირებით დააპატიმრა იგი ჩეკამ). მამის მსგავსად, იგიც შავბნელი პოლიტიკური რეპრესიების მსხვერპლი გახდა. 1953 წელს, სტალინის გარდაცვალების შემდეგ, ვიქტორ კოკოჩაშვილი "ჩეკაში" დაიბარეს და გადასცეს მისი ძმის რეაბილიტაციის  უწყება. ვიქტორ და მიხეილ კოკოჩაშვილების ძმა, ფარმაცევტ ივანე კოკოჩაშვილის შვილი. რეპრესირებული, შემდეგ რეაბილიტირებული.

წყარო: ვიქტორ კოკოჩაშვილი : მეცნიერი, პედაგოგი, პიროვნება /ჟუჟუნა ფეიქრიშვილი.-თბ., 2022.- "უნივერსალი" გვ.22-23 (dspace.nplg.gov.ge)