იური კაკიაშვილი

დაბადების ადგილი: ქ. ხაშური.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი სპეციალობით ელექტრული სადგურები, ქსელები და სისტემები 1962 წელს.

1962-1965წწ. მუშაობდა ხრამჰესის კასკადის მორიგე ინჟინრად, უფროს ინჟინრად; 1965 წელს - ქარხანა "ელექტროაპარატში" I კატეგორიის ინჟინერ-კონსტრუქტორად; 1965-1995წწ. იყო ელექტროტექნიკური დანადგარების მონტაჟისა და გამართვის სამუშაოების ხელმძღვანელი სხვადასხვა ორგანიზაციებში; 1967-1970წწ. სწავლობდა საქართველოს სასოფლო-სამეურნეო ინსტიტუტის ასპირანტურაში სოფლის მეურნეობის წარმოების ელექტროფიკაციისა და ავტომატიზაციის განხრით; 1995-1999წწ. - სს "თელასის" 110 კვ ქს "დიღომი-2"-ის ქვესადგურის უფროსი, შემდეგ სს "თელასის" ტექნიკური განყოფილების ინჟინერი, ტექნიკური კოორდინატორი, ექსპერტი, ტექნიკის, ტექნოლოგიებისა და სტანდარტების სამსახურის უფროსი; 2011 წლიდან - ტექნიკური განყოფილების უფროსი. მისი ინიციატივით შეიქმნა სს "თელასში" საინვენტარო ბაზა და პროგრამა. შეიქმნა და დაინერგა კოდური სისტემები, შემუშავდა ელექტრული ქსელების რეაბილიტაციისა და რეკონსტრუქციის სტრატეგიული გეგმა, წარმატებით დაინერგა და ინერგება ახალი ტექნიკა და ტექნოლოგიები. 1965-2000წწ. მუშაობდა საქართველოს აგრარული უნივერსიტეტში ელტექნიკისა და ავტომატიზებული ელექტროამძრავის კათედრაზე ასისტენტად, სწავლულ მდივნად, უფროს მასწავლებლად; 1976 წლამდე - საქართველოს პოლიტექნიკურ ინსტიტუტში ელექტროტექნიკის კათდრაზე ლექტორად. 1965 წელს მისი ინიციატივით სასოფლო-სამეურნეო ინსტიტუტში დაარსდა ელექტროტექნიკისა და ს.მ. ელექტრიფიკაციის კათედრა, მოეწყო ელექტრული მანქანებისა და ტრანსფორმატორების, ელექტრომოწყობილობების ექსპლუატაციისა და რემონტის, ელექტროტექნიკის, ელექტრომზომელობის და სხვა ლაბორატორიები, შესრულდა პირველი დიპლომები, განხორციელდა პირველი გამოშვება საქართველოში; მისი ხელმძღვანელობითა და უშუალო მონაწილეობით - ავტომატიზებული ელექტროსტენდები ინსტიტუტის საკვლევ და სასწავლო ლაბორატორიებში, მეცნიერებათა აკადემიის მანქანათა მექანიკის ინსტიტუტში. სხვადასხვა წლებში გავლილი აქვს სტაჟირების და კვალიფიკაციის ასამაღლებელი კურსები ბელორუსიაში, მოსკოვში, ლენინგრადში. აქვს 22 სამეცნიერო და მეთოდური ნაშრომი ელექტროტექნიკასა და ელექტროფიკაციაში, მათ შორის, 2 სახელმძღვანელო სტუდენტებისათვის, 1 გამოგონება (პატენტით), რაციონალიზატორული წინადადებები. მიღებული აქვს განათლების სამინისტროს, სოფლის მეურნეობის საკავშირო სამინისტროს, "თელასის" სიგელები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.154

• 2008 - საქართველოს დამსახურებული ენერგეტიკოსი

• ზოგადი ელექტრონიკა : მეთოდ. მითითებები...3113..., 3110... 27.04..., 2707... სპეც. სტუდ. (შემდგენელი). - თბილისი, საქ. აგრარ. უნ-ტი, 1991. - 68გვ.
• ელექტროტექნიკის თეორიული საფუძვლები (მუდმივი და ცვლადი დენის ერთფაზა წრედები : მეთოდ. მითითებები ლაბორატ. სამუშაოების შესასრულებლად სას.-სამ. ინ-ტის 3114... სპეც.-ის სტუდენტებისათვის (შემდგენელი). - თბილისი, 1990. - 68გვ.
• ელექტროტექნიკის თეორიული საფუძვლები: ცვლადი დენის სამფაზა წრედები და გარდამავალი პროცესები : მეთოდ. მითითებები ლაბორატ. სამუშაოების შესასრულებლად... 1510 სპეც. სტუდ. (შემდგენელი). - თბილისი, 1988. - 68გვ.