თამაზ კაპანაძე

დაბადების ადგილი: სოფელი ჩხირაული, ჭიათურის რაიონი.

დაამთავრა საკავშირო კავშირგაბმულობის ინსტიტუტი 1968 წელს და მიენიჭა კავშირგაბმულობის ინჟინრის კვალიფიკაცია.

1959-1964წწ. მუშაობდა ინსტიტუტ "სახკავშირპროექტის" საქართველოს კავშირგაბმულობის საპროექტო ჯგუფში; 1964-1970წწ. - "საქენერგოპროექტში" ტექნიკოსის, ინჟინრის, ჯგუფის ხელმძღვანელის, კავშირგაბმულობის ობიექტების პროექტის მთავარი ინჟინრის თანამდებობებზე; 1970 წლიდან სიცოცხლის ბოლომდე ხელმძღვანელობდა ინსტიტუტ "ენერგოქსელპროექტის" ენერგოსისტემების მართვის საშუალებათა განყოფილებას. მისი მონაწილეობითა და ხელმძღვანელობით შეიქმნა საქართველოს ენერგოსისტემის ახალი ტექნიკით აღჭურვის სასისტემო სქემები, რომლებმაც შემდეგ გამოყენება ჰპოვა სადისპეტჩერო-ტექნოლოგიური მართვის ტელემექანიკისა და ავარიასაწინააღმდეგო ავტომატიკისათვის საჭირო მაღალსიხშირიანი არხების პროექტირების დროს ისეთ ობიექტებზე, როგორიცაა "საქმთავარენერგოს კავშირგაბმულობის ცენტრალური კვანძის რეკონსტრუქცია", 220 კვ ქვესადგურები: რუსთვი, ხაშური, გორი, მენჯი, სოხუმი, ჟინვალი, ქუთაისი, წყალტუბო, მარნეული, ბათუმი; 500კვ ქვესადგური ქსანი; 500კვ ელექტროგადამცემი ხაზები: თბილსიის სრესი-ახალციხე-ზესტაფონი; ენგურჰესი-ზესტაფონი; ენგურჰესი-სოხუმი-დაგომისი (საქართველოს ტერიტორიაზე); სტავროპოლის სრესი-ცენტრალნაია-ენგურჰესი (საქართველოს ტერიტორიაზე); აზსრესი-ქსანი. ეწეოდა პედაგოგიურ მოღვაწეობას. მიღებული აქვს მთავრობის ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.158-159