ნოდარ ხუნდაძე

დაბადების ადგილი: სოფელი კოლხიდა, გაგრის რაიონი.

დაამთავრა სოხუმის პედაგოგიური ინსტიტუტის ქართული ენისა და ლიტერატურის ფაკულტეტი 1951 წელს.

1951 წლიდან მუშაობდა ჯერ გაგრის პირველი საშუალო სკოლის, შემდეგ ბზიფის საშუალო სკოლის ქართული ენისა და ლიტერატურის მასწავლებლად. პარალელურად წერდა და აქვეყნებდა წერილებს, სტატიებს, მოთხრობებს ჟურნალ-გაზეთებში. 20 წლის განმავლობაში იყო გაგრის საქალაქო გაზეთ "ავანგარდის" რედაქტორის მოადგილე. 1987 წელს დაინიშნა ჟურნალ "ნიანგის" კორესპონდენტად აფხაზეთში. აფხაზეთიდან დევნილობის პერიოდში გამოსცა პოეტური კრებულები: "აფხაზეთია ჩვენი ტკივილი", "ტკივილიანი სონეტები", "ტკივილი, ისევ ტკივილი", "ლირიკა". იგი აქტიურ მთარგმნელობით საქმიანობას ეწეოდა. მან რუსულიდან ქართულად თარგმნა რამდენიმე რომანი.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.401

• გოდება "ო, აფხაზეთო!" : სონეტები (ავტორი). - თბილისი, ეროვნული მწერლობა, 2009. - 240გვ.
• უბადრუგო ტყვე : ნოველები (ავტორი). - თბილისი, მერანი, 2005. - 232გვ.
• ლირიკა (ავტორი). - თბილისი, მოლოდინი, 2002. - 384გვ.
• ტკივილი, ისევ ტკივილი... : სონეტები (ავტორი). - თბილისი, მოლოდინი, 2002. - 252გვ.
• ტკივილიანი სონეტები (ავტორი). - თბილისი, მოლოდინი, 2000. - 528გვ.