ლერი ნაკანი

დაბადების ადგილი: ქ. მესტია.

დაამთავრა ოდესის იურიდიული აკადემია.

უმაღლესი განათლების მისაღებად იგი ქ. ოდესაში გაემგზავრა და იქ გააგრძელა სპორტული საქმიანობა. ასპარეზობდა უკრაინის სახელით, აღსანიშნავია რომ მისი სახელობის ტურნირი დღესაც ტარდება უკრაინაში; საქართველოში დაბრუნების შემდეგ მონაწილეობდა ქ. ჩელიაბინსკში გამართულ შეჯიბრებაში, სადაც გაიმარჯვა და ოქროს მედალი მოიპოვა; 1985 წელს გახდა საბჭოთა კავშირის ჩემპიონი და ოქროს მედალი დაიმსახურა; სხვადასხვა დროს იყო ევროპის ჩემპიონი ახალგაზრდებს შორის, სსრ კავშირის ახალგაზრდული თამაშების ჩემპიონი, საბჭოთა კავშირის ხალხთა მერვე სპარტაკიადის პრიზიორი, საბჭოთა კავშირის თასის მფლობელი, საბჭოთა კავშირის ხალხთა მეცხრე სპარტაკიადის ბრინჯაოს მედალოსანი; მუშაობდა კრიმინალური პოლიციის დეპარტამენტის ორგანიზაციულ დანაშაულთან ბრძოლოს მთავარი სამმართველოს განყოფილების უფროსის მოადგილედ და მიღებული ჰქონდა მაიორის წოდება.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.269

• 1996 - მედალი "მხედრული მამაცობისთვის"
• 1985 - სსრკ ჩემპიონი (ძიუდო)
• ევროპის ჩემპიონი (ძიუდო, ახალგაზრდებს შორის)
• სპორტის დამსახურებული ოსტატი (ძიუდო)
• საერთაშორისო სპორტის ოსტატი (ჭიდაობა ძიუდო)