ნიკოლოზ კირვალიძე

დაბადების ადგილი: ქ. თელავი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი სპეციალობით "ელექტრული ქსელები და სისტემები" ინჟინერ-ელექტრიკოსის კვალიფიკაციით 1947 წელს.

1939-1941წწ. მუშაობდა ქვესადგურ ავლაბარში მორიგე ელექტრიკოსად. ინსტიტუტის დამთავრების შემდეგ მუშაობა დაიწყო ქ. თელავში "საქსოფლელექტროს" თელავის ელექტროქსელის მთავარ ინჟინრად; 1962-1987წწ. "საქმთავარენერგოს" თელავის ელექტროქსელის დირექტორი. მისი თაოსნობით თელავის ელექტროქსელები აღიჭურვა იმ დროისათვის ავტომატიზაციის საუკეთესო საშუალებებით, განხორციელდა რეგიონის სრული ელექტროფიკაცია, მთათუშეთის მაღალი ძაბვის ელექტროგადამცემი ხაზის მშენებლობა. არჩეული იყო თელავის რაიონული საბჭოს დეპუტატად. დაჯილდოებული იყო სიგელებითა და მედლებით, მათ შორის, მედლით "მტრის ზურგში წარმატებული მუშაობისათვის".

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.170

• საქართველოს დამსახურებული ენერგეტიკოსი