ირაკლი კორძახია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოლოგიის ფაკულტეტი 1946 წელს და მიენიჭა გეოლოგის კვალიფიკაცია.

უნივერსიტეტის დამთავრების შემდეგ მუშაობა დაიწყო ტრესტ "საქნავთობის" სისტემაში სამუშაოთა მწარმოებლად, შემდეგ უფროს გეოლოგად მოქვის საძიებო ჭაბურღილზე. 1950 წლიდან - ტრესტ "საქნავთობის" მოქვის ნავთობძიების უფროსი; 1955 წლიდან - ტრესტ "საქნავთობის" ბურღვის კანტორის ბზიფის, სოხუმის, კოლხიდის, საცხენისის და გომბორის ფართობებზე უბნის უფროსი; 1963 წლიდან - გეოლოგიური სამმართველოს ძირულას, თეთრი-წყაროს და ხრამის საძიებო-გეოლოგიური პარტიის უფროსი; 1965 წლიდან - ტრესტ "საქნავთობის" საძიებო-გეოლოგიური კანტორის უფროსი. 1968 წელს იმყოფებოდა სამსახურებრივ მივლინებაში ალჟირში. დაბრუნების შემდეგ, 1969 წელს დაინიშნა ტრესტ "საქნავთობის" თბილისის პირაღრმა ბურღვის ძიების უფროსად; 1973 წლიდან - ტრესტ "საქნავთობის" სადაზვერვო ჭაბურღილების ათვისების კანტორის უფროსის მოადგილე; 1975 წლიდან - სგ "საქნავთობის" საწარმოო მომსახურების ბაზის მთავარი ინჟინერი; 1987 წლიდან - ს/გ "საქნავთობის" ღრმა საძიებო ბურღვის სამმართველოს საამქროს უფროსი; 1989 წლიდან გარდაცვალებამდე - სგ "საქნავთობის" საძიებო-გეოლოგიური კანტორის გეოლოგი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.176

• 1971 - საქართველოს დამსახურებული გეოლოგი