დიომიდე კილაძე

1872 წლიდან მუშაობდა სტამბასა და გამომცემლობებში ასოთამწყობად. 1872-1874 წლებში მუშაობდა "დროებაში" სხვადასხვა კრებულების გამოცემაზე (ს. მესხის, გ. წერეთლის და კ. ლორთქიფანიძის რედაქტორობით), 1874-1877 წლებში "მეურნეში" (ანტონ ფურცელაძის რედაქტორობით), "სასოფლო გაზეთში" (რედაქტორი პეტრე უმიკაშვილი) და "ცისკარში" (რედაქტორი ივანე კერესელიძე). სხვადასხვა წელს, დიომიდე კილაძე იყო "ივერიის", "დროების", "კვალის", "ცნობის ფურცელის" ასოთამწყობ-ხელმძღვანელი. 1902 წელს, "წიგნის გამომცემელ ქართველთა ამხანაგობამ", დიომიდე კილაძეს მოღვაწეობის 30 წლის იუბილესთან დაკავშირებით ვერცხლის "ვერსტატი" მიართვა წარწერით, "დიომიდე კილაძეს 30 წლის სინდისიერი მუშაობის სახსოვრად (1872-1902)". ასოთამწყობი, გამომცემელი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.684

• ქართველთა შორის წერა-კითხვის გამავრცელებელი საზოგადოება, წევრი