
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ლავრენტი კუპრაშვილი

Other name:	ბებერი (Pseudonym) გულქან (Pseudonym) კვაწარახი (Pseudonym) ლ.კ. (Pseudonym) ნო (Pseudonym)
Date of birth:	18 July, 1872
Date of death:	5 January, 1948 (at 75 years)
Category:	Laborer, Publicist, Journalist

Biography

დაბადების ადგილი: სოფელი ცუცხვათი, ტყიბულის რაიონი.

დაამთავრა ქუთაისის სამოქალაქო სასწავლებელი 1892 წელს.

მუშაობდა ჭიათურის რკინიგზის მშენებლობაზე შავ მუშად, საწყობის დარაჯად, მეტაბელედ, მემუხრუჭედ, მწონავად, მეანგარედ, მოლარედ და სხვ. 1899 წელს ჩაება რევოლუციურ მოძრაობაში, იყო პროპაგანდისტ-აგიტატორი, ორგანიზატორი, ავრცელებდა არალეგალურ ლიტერატურას, აყალიბებდა რევოლუციურ და პოლიტიკურ ორგანიზაციებს. 1905 წელს, სომეხ-აზერბაიჯანელთა შეტაკების დროს, იცავდა სადგურ აღსტაფას. 1906-1908 წლებში მონაწილეობდა სცენისმოყვარეთა მიერ გამართულ წარმოდგენებში. 1912 წელს დააპატიმრეს, შემდეგ რუსეთში გადაიხვეწა, სადაც ისევ რევოლუციურ მოძრაობაში მონაწილეობდა. 1917 წლის თებერვლის რევოლუციის შემდეგ დაბრუნდა ქუთაისში, სადაც მუშაობდა სადგურ ქუთაისის რკინიგზის აღმასრულებელი კომიტეტის თავმჯდომარედ, მთავარი გზის კომიტეტის, ქუთაისისა და თბილისის რსდმპ კომიტეტების წევრად. 1921 წლიდან, ანუ საქართველოს გასაბჭოებიდან ოთხი წელიწადი ებრძოდა საბჭოთა წყობილებას, ბოლშევიკებს. 1924 წლის აჯანყების შემდეგ, ლავრენტი კუპრაშვილმა დაგმო ძველი წყობილება და მენშევიკთა წინააღმდეგ გაილაშქრა. 1924 წლის 7 ოქტომბერს არჩეულ იქნა მუშათა კომიტეტის წევრად 1925 წლის 8 ოქტომბრამდე, ამის შემდეგ, 1928 წლის 1 მარტამდე მუშაობდა საქართველოს კომუნისტური (ბ) პარტიის ცენტრალურ კომიტეტთან არსებული ყოფილ მენშევიკთა შორის მომუშავე განყოფილების გამგედ; საქართველოს თითქმის ყველა მაზრასა და თემში ყველა ყრილობასა და მიტინგზე აქტიურად იბრძოდა მენშევიზმის წინააღმდეგ. 1924 წლიდან იყო მუშათა ყოველკვირეული ჟურნალის "ახალი გზის" სარედაქციო კოლეგიის წევრი, რომელშიც თითქმის ყოველ კვირა ათავსებდა წერილებს მუშათა ყოფა-ცხოვრებიდან, ასევე პოლიტიკურ-ეკონომიკურ, პარტიულ და სხვა საკითხებზე. თანამშრომლობდა "ერთობაში", ამიერკავკასიის ჟურნალ "Железнодорожник"-თან. ლავრენტი კუპრაშვილმა 1922 წელს ხანძრისგან გადაარჩინა თბილისის ელექტროსადგური. მიღებული ჰქონდა ფულადი ჯილდო რაციონალიზატორული წინადადების წარდგენისათვის. პროფესიონალი რევოლუციონერი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.746

Awards and Honors

შრომის გმირი

Bibliography

აგვისტოს აჯანყება და ჩვენი ამოცანები (Author). - ახალქალაქი, სტ. წითელი ჯავახეთი, 1926. - 16გვ.