მადონა ლეჟავა

დაბადების ადგილი: ქ. ბაღდათი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1967 წელს და მიენიჭა ინჟინერ-ელექტრიკოსის კვალიფიკაცია.

მუშაობა დაიწყო საკავშირო საპროექტო ინსტიტუტ "ენერგოქსელპროექტში". განვლო გზა ინჟინრიდან "ქვესადგურების, სარელეო დაცვის, ავტომატიკისა და მეორადი კომუტაციის" განყოფილების უფროსის თანამდებობამდე. მისი ხელმძღვანელობითა და მონაწილეობით განხორცეილდა "500კვ ქვესადგური ქსანი"; "500კვ ქვესადგური ზესტაფონი"; "220კვ ქვესადგურების" "მენჯი", "ლისი", "მარნეული", წყალტუბო"; "110კვ ქვესადგურების" "რუსთავი"; "მიუსერა"; "ასპინძა". 1998-2003წწ. შეთავსებით მუშაობდა მთავარ სპეციალისტად საქართველოს ელექტროენერგიის მარეგულირებელ ეროვნულ კომისიაში (სემეკი). განსაკუთრებით აღსანიშნავია მისი წვლილი 220კვ ქვესადგურებში: "დიდი ბათუმი", "მენჯი", "ვექტორი" და "ვარდნილჰესში" არსებული სარელეო დაცვის მოწყობილობების შეცვლაში სიმენსის ფირმის ციფრული მოწყობილობებით, რაც განხორციელდა RWE-ს პროგრამის მიხედვით, რომელიც ითვალისწინებდა 220კვ ეგხ "პალიასტომების" გავლით ელექტროენერგიის ექსპორტის გაზრდას ქვესადგურ დიდი ბათუმიდან თურქეთში.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.191