კობა გოჩელეიშვილი

დაბადების ადგილი: ქ. მარტვილი.

დაამთავრა სოხუმის ინდუსტრიული ტექნიკუმის ლითონჭრის ფაკულტეტი; მოსკოვის ტიმირიაზევის სახელობის სასოფლო-სამეურნეო აკადემია.

აქტიურად იყო ჩართული პოლიტიკურ და საზოგადოებრივ მოღვაწეობაში; იყო ზესტაფონის საკრებულოს 3 მოწვევის დეპუტატი: განათლების, კულტურის, სპორტის, ტურიზმის განვითარებისა და ახალგაზრდულ საქმეთა კომისიის თავმჯდომარე; საარჩევნო ფორმა: შორაპნის მაჟორიტარი დეპუტატი - დამოუკიდებელი; ორჯერ იყო წარდგენილი ზესტაფონის საკრებულოს თავმჯდომარის პოზიციაზე; მუშაობდა მოსახლეობის ცხოვრების დონის ამაღლებისთვის; მის სახელს უკავშირდება უამრავი პროექტი, რომლებიც მოსახლეობაში წლების განმავლობაში დაგროვილი პრობლემების მოგვარებას უკავშირდებოდა; მისი ინიციატივით და ორგანიზებით 1995-1997 წელებში დაიწყო საღვინის წმინდა გიორგის სახელობის ეკლესიის მშენებლობა, რომელიც ძველ ნაეკლესიარ ადგილზე აშენდა და სამ დასახლებას ემსახურება: დაბა შორაპანს, სოფელ საღვინეს და სოფელ წიფლავაკეს; ასევე 2021 წლის სექტემბერში მისი ინიციატივით და ორგანიზებით სოფელ მარტოთუბანში დაიწყო წმინდა გიორგის სახელობის ტაძრის მშენებლობა; მან პირველმა გაამახვილა ყურადღება შორაპნის ციხის ტურისტულ პოტენციალზე, გააჟღერა "ოქროს საწმისის" იდეა, რომლის განხორციელებისთვისაც უდიდესი შრომა გასწია და აღნიშნული ტურისტული პროექტით დააინტერესა ცენტრალური და ადგილობრივი ხელისუფლება; შეისწავლა ხეზე კვეთის უძველესი ხელობა; საქართველოში გავრცელებული ძვიფასი ჯიშის ხის მასალებისგან ამზადებდა სხვადასხვა ზომის მცირე ზომის ჯვრებს, სხვადასხვა ზომის ლუსკუმებს და ხატებს; შორაპანში შექმნა წრე, სადაც მსურველებს უანგაროდ ასწავლიდა ხეზე კვეთის ხელოვნებას; მონაწილეობა აქვს მიღებული თბილისსა და ქუთაისში გამართულ რამდენიმე საზოგადოებრივ გამოფენაში.

წყარო: TV Argo - ტელეკომპანია "არგო": facebook.com; facebook.com; youtube.com