მელანია ყარალაშვილი

დაამთავრა თელავის წმინდა ნინოს სასწავლებელი.

სხვადასხვა თეატრალურ დასში შესრულებული აქვს 150-მდე სახასიათო როლი, მათ შორის: გენრიეტა ("ორი ობოლი"), ზაირა ("ანზორი"), პასკუალა ("ცხვრის წყარო"), სოფიო ("ვინ არის დამნაშავე"), ბოჩკარიოვა ("პლატონ კრეჩეტი"), ნატალია ("ქრისტინე") და სხვ. მელანია ყარალაშვილმა ქართველ ხელოვანთა ჯგუფთან ერთად კონცერტით მოიარა მთელი საქართველო, იგი მარო თარხნიშვილთან და ანა ვარდიაშვილთან ერთად ასრულებდა სიმღერებს: "კეკელა და მარო", "ტაში ბიჭო", "საქართველო" და საცეკვაო მელოდიებს. 1957 წელს მას დაბადების 60 და სასცენო მოღვაწეობის 30 წლის იუბილე გადაუხადეს.

წყარო: ქალთა განათლების კერები თელავში / მარინე გოგბაიძე, გიორგი ჯავახიშვილი.- თბ., 2020.-გვ.110; საზოგადოებრივი მაუწყებელი:  1tv.ge/audio