ნოდარ ბახტაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი (სპეციალობა – არქიტექტურის თეორია და ისტორია) 1976 წელს; 1978-1980 წწ. საქართველოს მეცნ. აკადემიის ს. ჯანაშიას სახ. საქართველოს სახელმწიფო მუზეუმსა და თბილისის ივ. ჯავახიშვილის სახ. სახელმწიფო უნივერსიტეტში გაიარა ასპირანტურის დაუსწრებელი კურსი ქართული ხელოვნების ისტორიასა და არქეოლოგიაში.

1980-2004 წწ. მუშაობდა ს. ჯანაშიას სახ. საქართველოს სახელმწიფო მუზეუმში ჯერ უმცროს, შემდეგ კი უფროს მეცნ. თანამშრომლად, ხელმძღვანელობდა არქეოლოგიურ ექსპედიციებს; 1991-1992 წწ. მუშაობდა საქართველოს კულტურის სამინისტროში ისტორიისა და კულტურის ძეგლთა ინსპექციის სამმართველოს უფროსად; 1996-2001 წწ. გ. ჩიტაიას სახ. საქართველოს ხალხური ხუროთმოძღვრებისა და ყოფის სახელმწიფო მუზეუმის დირექტორის მოადგილედ სამეცნიერო დარგში;  1995-2005 წწ. მუშაობდა თბილისის სულხან-საბა ორბელიანის სახ. სახელმწიფო პედაგოგიურ უნივერსიტეტში ჯერ დოცენტად, შემდეგ კი – პროფესორის მოვალეობის შემსრულებლად; 2010 წლიდან დღემდე მუშაობს ილიას სახელმწიფო უნივერსიტეტში, ჯერ ასოცირებულ პროფესორად, 2018 წლიდან კი პროფესორად; არის არქეოლოგიის, არქიტექტურის თეორიისა და ისტორიის სპეციალობათა მიჯნაზე შექმნილი, საქართველოსა და საზღვარგარეთის 12 ქვეყანაში გამოქვეყნებული 120-ზე მეტი სამეცნიერო ნაშრომისა და 7 მონოგრაფიის ავტორი. პროფესორი, ისტორიის მეცნიერებათა დოქტორი, არქეოლოგიის დოქტორი.

საკანდიდატო დისერტაციის თემა - "ქვემო ქართლის კლდის ძეგლები", დაიცვა 1989 წელს; სადოქტორო დისერტაციის თემა - "კლდეში ნაკვეთი ძეგლების გენეზისი და განვითარების გზები საქართველოში", დაიცვა 2004 წელს.

• ნაქალაქარ ნეკრესის უძველესი ქრისტიანული ტაძრები = The Early Christian Churches of the Ancient City of Nekresi : მონოგრაფია (ავტორი). - თბილისი, 2020. - 216გვ.. - ISBN: 9789941827495
• კერამიკული ნაკეთობანი შუა საუკუნეების საქართველოში = Ceramics in medieval Georgia : საქართველოს ეროვნული მუზეუმის კოლექციებიდან : ალბომი / შემდგენელი და შესავალი წერილის ავტორი ნოდარ ბახტაძე ; ანოტაციები და ბიბლიოგრაფია: ნოდარ ბახტაძე, მარიკა ჩემია (შემდგენელი). - თბილისი, ბაკურ სულაკაურის გამ-ბა, 2013. - 127გვ.. - ISBN: 9789941157820
• ნეკრესი : ცნობარი მომლოცველთა და მოგზაურთათვის : მონასტრის, ეპარქიის და ნაქალაქარის ისტორია. არქეოლოგიური და სახელოვნებათმცოდნეო კვლევა. ლეგენდები და სინამდვილე. დღევანდელობა (ავტორი). - თბილისი, ნეკრესი, 2010. - 112გვ.. - ISBN: 9789941024993
• კლდის ხუროთმოძღვრების გენეზისი და განვითარების გზები საქართველოში = The genesis and paths of development of rock-cut architecture in Georgia : საისტ.-ხელოვნებათმც. და არქეოლ. გამოკვლევა (ავტორი). - თბილისი, ნეკერი, 2007. - 387გვ.. - ISBN: 9789994098606
• ქვემო ქართლის კლდის ძეგლები : ისტორიულ-არქეოლოგიური გამოკვლევა (ავტორი) // წ. 1. - თბილისი, საქართველო, (სტ. N1), 1991. - 159გვ.