აბელ აბელიშვილი

დაბადების ადგილი: სოფელი ოჟიო, ახმეტის რაიონი.

იყო რუსეთის საიმპერატორო არმიის ოფიცერი; მსახურობდა ტაო-კლარჯეთში მდებარე ქალაქ ოლთისში; ა. აბელიშვილი არის პროტოტიპი ვასილ ბარნოვის რომანში "ტრფობა წამებული" მოხსენიებული პერსონაჟისა - აშოტი; 1893 წელს მონაწილეობდა ნიკოლოზ ბარათაშვილის ნეშტის საქართველოში გადმოსვენებაში; დიდი პოეტის საფლავის მოსაძიებლად ქალაქ ელისავეტპოლში (ამჟამად აზერბაიჯანის რესპუბლიკის ქალაქი განჯა) ჩასულ ქართულ დელეგაციას ელისაბედ გურამიშვილმა უმასპინძლა; ელისაბედის მამა - ნამდვილი სახელმწიფო მრჩეველი, თავადი ვახტანგ გურამის ძე გურამიშვილი (1821-1894) იმხანად მსახურობდა ელისავეტპოლის გუბერნიის ვიცე-გუბერნატორად და ამ რეგიონში არსებულ სახელმწიფო ქონებას განკარგავდა; ელისაბედ ვახტანგის ასულმა გურამიშვილმა თავის სიძეს (დეიდაშვილის ქმარს) - აბელ აბელიშვილს, როგორც დიდი პოეტის გენიის დამფასებელს, საჩუქრად გადასცა სამი სამსჭვალი, რომლებიც ნიკოლოზ ბარათაშვილის უკვე დაშლილი კუბოდან დაუზიანებელი სახით შემორჩენილიყო. მოწიწებით შენახული ეს ლურსმნები აბელმა მემკვიდრეობით გადასცა თავის ასულს - დარია აბელიშვილ-ვოლდეიტს. საეკლესიო აზნაური, ანდრონიკაშვილების განაყოფი ახმეტის რაიონის სოფელ ოჟიოდან.

წყარო: საინფორმაციო პორტალი: kvirispalitra.ge