გივი მაჩაბელი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1963 წელს.

მუშაობა დაიწყო "სამრეწველო საწარმოთა ელექტრომოწყობილობის" კათედრაზე ლაბორანტად, შემდგომში - ასისტენტად. 1971-1974წწ. სწავლობდა ასპირანტურაში; 1975 წლიდან - ტექნიკურ მეცნიერებათა კანდიდატი; 1997-1999წწ. - "სამრეწველო საწარმოთა ელექტრომოწყობილობის" კათედრის გამგის მოვალეობის შემსრულებელი; 1999 წლიდან - კათედრის გამგე; 2000 წლიდან - პროფესორი. მონაწილეობდა და ხელმძღვანელობდა ისეთ საინჟინრო და სამეცნიერო სამუშაოებს, როგორიცაა რუსთავის სინთეთიკური ბოჭკოს ქარხნის, რუსთავის მეტალურგიული ქარხნის ნავთობსაძიებელი ჭაბურღილების, ფოთის ნავსადგურის პორტალური ამწეების სხვადასხვა მექანიზმების, ადამიანის ვესტიბულარული აპარატის გამოსაცდელი სტენდი "ვეგას" და სხვა ელექტოამძრავების სისტემების შექმნა და მოდერნიზაცია. ავტორია ორმოცდაათამდე ნაშრომისა, მათ შორის, სამი სახელმძღვანელოს და რიგი მეთოდური მითითებების.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.212

• ავტომატიზებული ელექტროამძრავის საფუძვლები : სახელმძღვანელო (თანაავტორი) // ნაწილი 1. - თბილისი, ტექნ. უნ-ტი, 2005. - 84გვ. . - ISBN: 9994035673
• ავტომატიზებული ელექტროამძრავის საფუძვლები : სახელმძღვანელო (თანაავტორი) // ნაწილი 2. - თბილისი, ტექნ. უნ-ტი, 2005. - 92გვ.
• ტიპური საწარმოო მექანიზმების ავტომატიზებული ელექტროამძრავები : სახელმძღვ. ტექნ-უნტის სტუდ. (თანაავტორი). - თბილისი, განათლება, 1992. - 348გვ. . - ISBN: 5505014666
• მეთოდური მითითებები საკურსო პროექტის შესადგენად ავტომატიზებული ელექტროამძრავის კურსში (შემდგენელი). - თბილისი, საქ. პოლიტექნ. ინ-ტის გამ-ბა, 1984. - 44გვ.